«Niama prykmiet aficyjnaha lista»: polskija śpiecsłužby prakamientavali listy z pahrozami biełarusam
Pres-słužba polskaha Ahienctva ŭnutranaj biaśpieki (ABW) prakamientavała «Biełsatu» rassyłku listoŭ nibyta ad jaje imia biełarusam u Polščy z patrabavańniem terminova pakinuć miežy krainy. U śpiecsłužbie nazvali takija paviedamleńni dezynfarmacyjaj.
U ABW paćvierdzili fakt «falšyvaj karespandencyi, nibyta padpisanaj namieśnikam načalnika Ahienctva ŭnutranaj biaśpieki, adrasavanaj zamiežnikam, jakija znachodziacca na terytoryi Respubliki Polšča».
«Nivodzin z vyjaŭlenych listoŭ nie maje prykmietaŭ aficyjnaha lista, i, akramia taho, jany źmiaščajuć spasyłki na sastarełyja abo nieabaviazkovyja praviły», — havorycca ŭ adkazie.
U polskim viedamstvie taksama adznačyli, što prainfarmavali adrasataŭ ab tym, što atrymanaja imi karespandencyja nie pachodzić ad Ahienctva ŭnutranaj biaśpieki. I što adpraŭka lubych listoŭ adnosna administracyjnych pastanovaŭ, jakija datyčać zamiežnikaŭ, nie ŭvachodzić u kampietencyju ahienctva.
«Vyšejnazvanyja dziejańni jość dezynfarmacyjaj i mohuć mieć na mecie vyklikać hramadski niespakoj», — havorycca ŭ adkazie.
Nahadajem, što 22 i 23 maja prynamsi dva biełarusy ŭ Polščy — u Hdańsku i Varšavie — atrymali dziŭnyja listy ad imia śpiecsłužbaŭ z patrabavańniem pakinuć krainu. U listach, padpisanych nibyta namieśnikam načalnika ABW, havorycca, što adrasatu anulavali jahony vid na žycharstva praź jahonuju niezakonnuju dziejnaść u Polščy i što jamu treba pakinuć krainu ciaham 10 dzion. Inakš pahražajuć prymusova vysłać u Biełaruś.
Abodva listy mieli absalutna adnolkavy źmiest i nie ŭtrymlivali nijakich asabistych źviestak atrymalnikaŭ. Jany byli adpraŭlenyja ź Niamieččyny 14 traŭnia. Adpraŭnik nie paznačany. U abodvuch vypadkach atrymalniki listoŭ — heta ludzi, jakija viaduć kamiercyjnuju dziejnaść, tamu ichnyja adrasy i hramadzianstva možna adšukać u adkrytym dostupie. Adzin atrymalnik lista, jakoha nibyta pazbaŭlajuć DNŽ, užo maje polskaje hramadzianstva.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać30
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary