Premjer-ministr Kanady Styvien Charpier padčas pocisku ruki z prezidentam Rasii Uładzimiram Pucinym na samicie G20 u aŭstralijskim Bryśbienie zapatrabavaŭ ad jaho «vymiatacca z Ukrainy» (get out of Ukraine).
Pra heta 15 listapada paviedamlaje Bloomberg sa spasyłkaj na pres-sakratara premjera Kanady Džejsana Makdonalda.
Pa słovach pres-sakratara, kali Pucin padyšoŭ da Charpiera, toj skazaŭ: «Ja dumaju, ja pacisnu vam ruku, ale ja mahu skazać vam tolki adno: vy pavinny vymiatacca z Ukrainy».
Adkaz Pucina «nie byŭ stanoŭčym», skazaŭ Makdonald, nie ŭdakładniŭšy padrabiaznaściaŭ.
Jak raspavioŭ pres-sakratar rasijskaha lidara Dźmitryj Piaskoŭ, «na samoj spravie Charpier skazaŭ Pucinu, što Rasija pavinna pakinuć Ukrainu». Prezident Rasii adkazaŭ, što «heta niemahčyma», bo va Ukrainie niama rasijskich vojskaŭ, dadaŭ Piaskoŭ. Pavodle jaho słoŭ, razmova Pucina i Charpiera doŭžyłasia niadoŭha, a jaje ton nie vychodziŭ za ramki prystojnaści.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»4
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary