Prarasijskija bajeviki pasprabavali ździejśnić praryŭ u Łuhanskaj vobłaści: zahinuli try ŭkrainskija siłaviki
Siońnia ŭ Stanicy Łuhanskaj (heta rajcentr Łuhanskaj vobłaści) hrupa bajevikoŭ sprabavała prarvacca na terytoryju, jakaja znachodzicca pad kantrolem Ukrainy.
U siaredzinie dnia, prykładna z 13:40, bajeviki viali luty artabstreł pasiołka Stanica Łuhanskaja. Byli čuvać załpy ź minamiotnych ustanovak i sistem załpavaha ahniu «Hrad».
«Kala 14:30 u rajonie čyhunačnaha pierajezda hrupa bajevikoŭ ździejśniła sprobu praryvu na terytoryju, kantralavanuju zakonnaj ukrainskaj uładaj», — paviedamili ŭ pres-słužbie Ministerstva ŭnutranych spraŭ Ukrainy.
U chodzie boju zahinuli dva supracoŭniki bataljona patrulnaj słužby milicyi śpiecyjalnaha pryznačeńnia «Čarnihaŭ». Jašče adzin milicyjant paźniej pamior u špitali. Piaciora pravaachoŭnikaŭ atrymali ranieńni.
«Vorah panios straty i byŭ adkinuty. Milicejski harnizon praciahvaje vykanańnie bajavych zadač pa baraćbie z terarystami, a taksama pa padtrymańni zakonnaści i pravaparadku», — dadali ŭ pres-słužbie.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary