Dabračynny fond «Viartańnie» abviaščaje konkurs, kab pryciahnuć uvahu da biełaruskamoŭnaj Vikipiedyi.
Vikipiedyja — heta enkcykłapiedyja ŭ siecivie. U adroźnieńni ad papiarovaj encykłapiedyi, tut možna apieratyŭna ŭnosić praŭki ŭ artykuły.
Na žal, biełaruskamoŭny siehmient Vikipiedyi pradstaŭleny słaba.
Nas, biełarusaŭ, bolš za 9 miljonaŭ, a artykułaŭ pa-biełarusku stvorana tolki 77000 — sučasnym pravapisam i 54000 — kłasičnym. Dla paraŭnańnia, u litoŭskaj — 168000, polskaj — 1074000, šviedskaj — 1947000 (!).
Nam jość da čaho imknucca.
U hetych ahułam 130 tysiačach jość infarmacyja pra viadomych biełaruskich spartoŭcaŭ i piśmieńnikaŭ, mastakoŭ i muzykaŭ, pra biełaruskija harady i pasiołki. Ale niama pra mienšyja vioski, pra asob, čyje dasiahnieńni nie vyjšli za miežy rajona. Ale heta nie aznačaje, što pra ich nie varta pamiatać. Davajcie stvorym artykuły pra ich dla Vikipiedyi, kab raskazać pra takich ludziej inšym.
Jak pisać?
Praviercie na sa sajcie be.wikipedia.org, ci niama ŭžo artykuła, jaki vy chočacie napisać. I kali ich tam nie znojdziecca, śmieła pišycie. Ale rabicie heta pa schiemie, jakuju lohka pahladzieć na sajcie Vikipiedyi.
Pra što pisać?
Nie treba abmiažoŭvacca tolki asobami i nasielenymi punktami. Napišycie pra miascovyja histaryčnyja ci pryrodnyja pomniki, pra pradpryjemstvy vašaj miascovaści, padziei, jakija adbyvalisia tut padčas paŭstańniaŭ, vojnaŭ…
Kali ŭ vas niama schilnaści stvarać aryhinalnyja artykuły, pišycie na padstavie raniej napisanaha ŭ hazietach, knihach. Ale abaviazkova paznačajcie krynicy infarmacyi. Kali heta staronka ŭ internecie, pastaŭcie spasyłku na jaje.
Hałoŭnaje, kab artykuły byli niejtralnyja, a źviestki dakładnyja.
I nie zabyvajciesia dadavać fotazdymki.
Kudy pisać?
Prysyłajcie svaje artykuły na elektronnuju skryniu viartannie2013@gmail.com z paznakaj «Vikipiedyja». U liście paznačcie, adkul vy, kolki vam hadoŭ, numar telefona.
Try najbolš plonnyja aŭtary atrymajuć padarunki ad dabračynnaha fondu «Viartańnie» — elektronnyja knihi.
Konkurs praciahniecca da 25 śniežnia. Vyniki buduć padviedzieny da 25 studzienia 2015.
Pa vynikach artykuły buduć pravierany i źjaviacca na sajcie Vikipiedyi.
Padrabiaźniej pra praviły napisańnia artykułaŭ dla Vikipiedyi možna pračytać tut.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?1
Kamientary