Łukašenka spartoŭcam: Vyjšli na placoŭku — pakazvajcie vynik
Kiraŭnik Biełarusi 17 listapada ŭ čas dakłada ab mierach dziaržaŭnaj padtrymki arhanizacyj fizičnaj kultury i sportu zapatrabavaŭ zrabić bolš žorstkim dziaržaŭnaje finansavańnie spartyŭnaj haliny.
«Na žal, jak mnie dakładvajuć, nie ŭsie arhanizacyi hatovy pracavać na pierśpiektyvu, a ličać za lepšaje žyć adnym dniom. Takija ŭtrymanskija nastroi buduć spyniacca žorstkim čynam až da spynieńnia dziaržaŭnaj padtrymki i spahnańnia ŭsich atrymanych sum»,— padkreśliŭ Łukašenka.
«Mnie časta havorać: «Kali my ciapier nie akažam padtrymku tamu ci inšamu kłubu, jon zahinie, hety sport zahłuchnie». - Niachaj hinie i niachaj hłuchnie. Publična vam ab hetym havaru. Nam «amatarstva», jak kažuć u Biełarusi, nie treba finansavać. Tamu, kali jany vyjšli na spartyŭnuju placoŭku, heta bolš za ŭsio datyčycca spartsmienaŭ hulniavych vidaŭ sportu, dyk niachaj vydajuć vynik.
I nie prosta vynik: jany pavinny stvarać nastroj u hramadstvie, prynosić słavu dziaržavie, uźnimać imidž dziaržavy. Voś kaho my pavinny padtrymlivać i zaachvočvać, i jašče dziaciej, tamu što bieź ich vialikich nie budzie».
Alaksandr Łukašenka zapatrabavaŭ vyraznych adkazaŭ na pytańni: jak siońnia pracuje ŭkaz prezidenta, ci ŭdałosia dabicca vyrašeńnia pastaŭlenych zadač i jakija miery prymajucca ŭ adnosinach da arhanizacyj, jakija nie vykonvajuć hety dakumient. Kiraŭnik dziaržavy ličyć nieabchodnym acanić ahulnuju karcinu dziaržaŭnaj padtrymki spartyŭnych arhanizacyj i jaje metavaha vykarystańnia.
«Asabliva chaču vyłučyć pytańni atrymańnia spartyŭnymi arhanizacyjami srodkaŭ ź mižnarodnych i zamiežnych krynic. Na jakija mety jany vydzialajucca i na što realna vykarystoŭvajucca? Jak vy viedajecie, da apošniaha času hetyja srodki vyzvalalisia ad padatkaabkładańnia, ale ja daŭ ukazańnie spynić takuju praktyku — padatki treba płacić usim. Para navieści i tut paradak. Jak mnie dałažyli, jon užo navodzicca».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary