Za žurnalista Alesia Burakova ŭziałasia padatkovaja inśpiekcyja
Padatkaviki Leninskaha rajona Mahilova prapanujuć niezaležnamu žurnalistu pryjści ŭ inśpiekcyju 20 listapada 2014 hoda da namieśnika načalnika adździeła — spadaryni Karalkovaj. Nahoda dla vizita — padača padatkovych dekłaracyj (raźlikaŭ) pa padachodnym padatku ź fizičnych asobaŭ za 2010—2013 hady (dachody, jakija byli atrymanyja z-za miažy). Pry sabie padatkaviki prosiać mieć pašpart, a taksama dakumienty, jakija paćviardžajuć rezidenctva ŭ Rasijskaj Fiederacyi.
Aleś Burakoŭ adznačaje, što heta ŭžo treciaja padobnaja pozva z padatkovaj inśpiekcyi za apošnija niekalki miesiacaŭ:
— Jany sami nie viedajuć, što ad mianie chočuć. Pieršy vyklik byŭ 1 lipienia, i ja pierakanany, što jaho inśpieravaŭ naš KDB, a nie padatkaviki. Chacieli, kab ja zapoŭniŭ dekłaracyju ab prybytkach. Druhi vizit supaŭ z zaviedzienaj na mianie majoram Puhačovym administracyjnaj spravaj nibyta za parušeńnie mnoj zakanadaŭstva ab ŚMI, u adpaviednaści ź jakim ja supracoŭničaŭ z zamiežnym ŚMI biez akredytacyi i byŭ za heta pakarany štrafam u pamiery 6,5 miljona rubloŭ. Tym časam ja kazaŭ, što kala troch hadoŭ pracavaŭ na terytoryi Rasii.
Aleś Burakoŭ padkreślivaje, što ŭ milicyi pravaachoŭniki šukali ŭ kanfiskavanym u jaho kampjutary ŭsio, što datyčyłasia hanararaŭ, hrošaj, sajtaŭ «Svabodnaha farmatu» i «Dojče Vele». Heta vynikała z rapartu majora Puhačova.
— Naturalna, što ničoha nie znajšli. Mianie va ŭsim hetym ździŭlaje toj fakt, što pozvy i apaviaščeńni ź dziaržaŭnych orhanaŭ da mianie dachodziać poštaj, a voś adkazy z prakuratury i suda niedzie hublajucca, — kaža žurnalist.
Aleś Burakoŭ adznačaje, što padaŭ kasacyju z nahody vyniesienaha jamu štrafa ŭ pamiery 6,5 miljona rubloŭ, i sudovaje pasiadžeńnie z hetaj nahody adbudziecca 20 listapada. Dziŭnym čynam data suda supała ź vizitam u padatkovuju. Žurnalist padkreślivaje, što takim čynam jamu sprabujuć pieraškodzić u padrychtoŭcy da sudovaha pracesu.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu5
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary