Padadziena zajaŭka na praviadzieńnie mierapryjemstvaŭ, prymierkavanych da ŭhodkaŭ Słuckaha zbrojnaha čynu
Zajaŭka padadziena ad imia staršynia Partyi BNF Alaksieja Janukieviča i kiraŭnika słuckaj arhanizacyi partyi Vitala Amialkoviča.
Płanujecca, što 29 listapada ŭračystyja schody ŭ pamiać słuckich paŭstancaŭ adbuducca ŭ miastečkach, źviazanych z padziejami 1920 hoda, — u Hrozavie, Siemiežavie i Vyźnie (Čyrvonaja Słabada). Taksama padadzienaja zajaŭka ŭ Słucki harvykankam na praviadzieńnie mitynhu i ŭ samim Słucku.
Jak adznačaje Janukievič, pavodle zakanadaŭstva ciapier zabaroniena da atrymańnia dazvołu ŭładaŭ paviedamlać pra kankretnyja čas i miesca praviadzieńnia masavych mierapryjemstvaŭ. «My čakajem, što adkazy na zajaŭki pra praviadzieńnie mitynhaŭ pavinnyja być dadzienyja nie paźniej za 24 listapada. Słuckaje paŭstańnie — adzin z najiaskraviejšych prykładaŭ prajavy mužnaści i advahi biełarusaŭ, jaki vielmi aktualny ciapier u situacyi vidavočnaj pahrozy našaj niezaležnaści z boku ahresiŭnaj Rasii», — adznačyŭ jon.
Pavodle słoŭ Janukieviča, u apošnija hady ŭłady dazvalali mitynhi ŭ Słucku, ale pieraśledavali ŭdzielnikaŭ pamiatnych mierapryjemstvaŭ u inšych miaścinach Słuččyny. Razam z tym, zaznačyŭ jon, u 2012 hodzie mitynh byŭ zabaronieny.
«Tamu, kab minimizavać ryzyku represijaŭ, my padrychtavali zajaŭki na praviadzieńnie schodaŭ va ŭsich miescach, dzie płanujecca ŭskładańnie kvietak i ŭračystyja mierapryjemstvy ŭ honar hierojaŭ paŭstańnia. Ale my taksama razumiejem, što pry nabližeńni važnych palityčnych padziejaŭ, takich jak majučaja adbycca kampanija pa vybarach prezidenta, pavialičvajecca vierahodnaść supraćdziejańnia z boku ŭładaŭ. Akurat ciapier ažyćciaŭlajecca pieraśled siabraŭ Partyi BNF, što sioleta ŭ kastryčniku brali ŭdzieł va ŭšanavańni hierojaŭ paŭstańnia Kalinoŭskaha ŭ Śvisłačy»,
— skazaŭ Janukievič.
Słucki zbrojny čyn 1920 hoda byŭ sprobaj abarony niezaležnaści Biełarusi ŭ rajonie Słucka. Na praciahu miesiaca, u listapadzie—śniežni, vajennyja atrady, sfarmavanyja pieravažna ź miascovych sialanaŭ, akazvali supraciŭ savieckim vojskam.
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary