Kancert pačniecca a 21.45 pa BT, a paśla — hladackaje hałasavańnie.
Siońnia adbudziecca kancert paŭfinalistaŭ televizijnaha muzyčnaha prajekta «JeŭraFest» — nacyjanalnaha adboračnaha tura mižnarodnaha konkursu pieśni «Jeŭrabačańnie‑2008». Žyvaja tranślacyja pačniecca ŭ 21.45 na Pieršym telekanale. Adzinuju biełaruskamoŭnuju pieśniu siarod 15 udzielnikaŭ paŭfinału vykanaje hurt «Pałac», jaki jašče niadaŭna byŭ u «čornym śpisie».
Učora adbyłosia losavańnie, kožny pradstaŭnik hurta ci vykanaŭcy ciahnuŭ kanviert z paradkavym numaram, pad jakim jon budzie siońnia vystupać.
«Pałacu» dastaŭsia 12 numar. Lider hurta Aleh Chamienka skazaŭ u intervju Jeŭraradyjo, što «pa vialikim rachunku, bolš zadavoleny numaram, čym nie».
Nahadajem, kancert raspačnie hurt «The Champions», pad druhim numaram vystupić Alena Vałošyna, dalej — Julija Husieva, duet Hanna Šarkunova i Hierman Citoŭ, Rusłan Alachno, Aksana Kavaleŭskaja, hurt «PinCode», Viktar Pšaničny, Gunesh, prajekt «Skandał», hurt «Po hłazam», hurt «PAŁAC» (12 numar), hurt «Dali», Katryn. Z 15‑m numaram zaviaršaje kancert hurt «Litesound».
Chamienka kaža, što z adnaho boku majuć pieravahu tyja, što vystupajuć pieršymi — u ich budzie bolšaja aŭdytoryja. Ale da kanca kancert dahladzić moładź, jakaja tradycyjna najbolš aktyŭna hałasuje, ličyć Aleh Chamienka.
Siarod udzielnikaŭ paŭfinału Chamienka adznačaje hurty «Po hłazam» i «Dali».
«Našaja hałoŭnaja meta zaraz — źjavicca na BT, bo moža być usio, što zaŭhodna. Kali pakažuć pa BT, značyć, my ŭžo dazvolenyja. Voś heta samaje pieršaje takoje chvalavańnie», — kaža lider hurta «Pałac».
Adznačym, što finalisty (2‑3 vykanaŭcy) buduć vyznačanyja pa vynikach interaktyŭnaha hałasavańnia telehledačoŭ i hałasavańnia žury. Telehledačy zmohuć addać svoj hołas za ŭpadabanaha vykanaŭcu paśla vystupleńnia ŭsich udzielnikaŭ.
Dla hetaha treba budzie patelefanavać na biaspłatny numar 8‑803‑100‑03‑XX (zamiest XX treba nabrać paradkavy numar vykanaŭcy).
Kamientary