Biełaruski PEN-centr, Sajuz biełaruskich piśmieńnikaŭ i Miascovy dabračynny fond «Viartańnie» (h. Minsk) abviaščajuć novy siezon premii «Debiut» imia Maksima Bahdanoviča.
Premija prysudžajecca štohod za najlepšuju debiutnuju knihu, napisanuju na biełaruskaj movie ci pierakładzienuju na jaje, aŭtaru abo pierakładčyku va ŭzroście da 35 hadoŭ na momant vydańnia knihi. «Debiut» ušanoŭvaje maładych aŭtaraŭ, što pišuć u žanrach, u jakich pracavaŭ Maksim Bahdanovič, i ŭručajecca ŭ naminacyjach «Proza», «Paezija», «Mastacki pierakład».
Dla ŭdziełu ŭ konkursie treba da 31 studzienia 2015 hoda dasłać zajaŭku na elektronnuju skryniu [email protected] albo na paštovy adras: 220050, Minsk, p/s 218. Da zajaŭki nieabchodna dałučyć 2 asobniki knihi ŭ papiarovym i asobnik u elektronnym varyjancie. Zajaŭki biez elektronnaj viersii i 2 asobnikaŭ knihi prymacca da ŭdziełu ŭ konkursie nie buduć.
U siaredzinie śniežnia budzie abvieščany skład žury sioletniaj premii.
* * *
Premija «Debiut» imia Maksima Bahdanoviča ŭručajecca z 2011 hoda. Siarod papiarednich pieramožcaŭ premii — Vital Ryžkoŭ («Dźviery, zamknionyja na klučy»), Natałka Charytaniuk («Trynaccać historyj pra miortvaha kata»), Anton Francišak Bryl («Nie ŭpaŭ žołud»), Viktar Marcinovič («Ściudziony vyraj»), Andrej Adamovič («Dzień paezii śmierci dzień»), Julija Šarova («Don Giovanni, abo Pamiłavany svavolnik»), Hanna Jankuta (pierakład «Kaladnaha charała» Čarlza Dykiensa), Uładź Lankievič («70% vady»), Kaciaryna Oaro («Saročaje radyjo»), Kaciaryna Macijeŭskaja (pierakład «Sałamiei» Oskara Uajlda) i inš.
Kamientary