Śpiecpasłańnik Trampa ŭ Hrenłandyi: Havorka pra niezaležnaść vostrava, a nie pra anieksiju
Novapryznačany śpiecyjalny pasłańnik Donalda Trampa ŭ Hrenłandyi, hubiernatar Łuizijany Džef Łendry zajaviŭ u efiry telekanała CBNC, što Tramp nibyta nie imkniecca anieksavać vostraŭ, ale padtrymlivaje jaho niezaležnaść.

Pa słovach Džefa Łendry, prezident ZŠA choča, kab Hrenłandyja mieła ekanamičnyja suviazi z Amierykaj i adpaviednyja handlovyja mahčymaści, što budzie karysna jak dla jaje žycharoŭ, tak i dla amierykanskaj ekanomiki.
Łendry adznačyŭ, što Tramp razhladaje najaŭnuju abaronnuju damovu i vajskovuju prysutnaść u Hrenłandyi i choča pašyryć supracoŭnictva, prapanujučy bolš mahčymaściaŭ dla raźvićcia vostrava. Jon vyklučyŭ mahčymaść siłavoha zachopu terytoryi i padkreśliŭ, što ZŠA mohuć dapamahčy Hrenłandyi ruchacca da niezaležnaści, zastajučysia pry hetym nadziejnym ekanamičnym partnioram.
Raniej sam Tramp u intervju zhadvaŭ pra cikavaść ZŠA da kantrolu nad Hrenłandyjaj, što vyklikała zaniepakojenaść Danii i jeŭrapiejskich krain, a premjer-ministarka Danii papiaredziła, što siłavyja sproby anieksii mohuć aznačać kaniec NATA.
Kiraŭniki krain ES i Brytanii: Vyklučna Danija i Hrenłandyja majuć prava vyrašać pytańni, što tyčacca Danii i Hrenłandyi
U Trampa admovilisia vyklučać varyjant vajennaha zachopu Hrenłandyi
Premjerka Danii zaklikała Trampa spynić «pahrozy» ŭ dačynieńni da Hrenłandyi
Žonka daradcy Trampa apublikavała kartu Hrenłandyi ŭ kolerach ściaha ZŠA
Tramp raskazaŭ, navošta jamu Hrenłandyja
Kamientary