Hurt Morcheeba abraŭ biełaruski prajekt Shuma dla taho, kab pačać svoj kancert u Minsku, jaki adbudziecca 15 śniežnia ŭ PrimeHall. A vakalistka Skaj Edvards pavitała prychilnikaŭ na biełaruskaj.
Hurt Shuma byŭ adabrany z 50 biełaruskich artystaŭ, jakija dasłali svaje prapanovy. Zasnavany ŭ 2011 hodzie prajekt spałučaje aktualnuju elektroniku z narodnymi śpievami. Na rachunku hurtu vystupy na festach «Jazz-Kaktebiel» (Ukraina), «Up To Date» (Polšča), a taksama biełaruskich «Volnaje pavietra», «Možna», «Elektronnyja zabavy», «Kamianica».
– Dla nas heta niečakana i pryjemna. Jašče adno paćvierdžańnie, što pra słušnym padychodzie biełaruskija narodnyja pieśni całkam aktualnyja dla sučasnaj publiki, pryčym nie tolki łakalnaj, – tłumačyć Rusia, vakalistka Shuma, čyjo vystup raspačniecca roŭna a 19-j.
«Biełaruskuju temu» u miežach kancerta padtrymała i vakalistka Morcheeba Skaj Edvards, jakaja pačała śvij videazvarot z pryvitańnia na čystaj biełaruskaj.
Nahadajem, heta budzie pieršy vystup brytanskaha kalektyvu ŭ Biełarusi. Hurt Morcheeba, viadomy pa chitach The Sea, Rome Wasn't Built in A Day, World Looking In, Otherwise pryjedzie da nas z prahramaj najlepšych piesień i ŭ załatym składzie.
Hurt MORCHEEBA (Vialikabrytanija) z prahramaj Greatest Hits Plugged & Unplugged
15 śniežnia – Prime Hall – 19.00
Kvitki: tancpoł – 450 tys. rub., stoliki – ad 500 tys. rub. da 1 młn. rub.
Prodaž u kasach Kvitki.by, Ticketpro, «Minskkancert»
Daviedka/dastaŭka: (044) 48 20 160, (025) 700 59 45
