Premjer-ministr Rasii Dźmitryj Miadźviedzieŭ zajaviŭ u svaim artykule dla «Niezavisimoj haziety», što naładžvańnie žyćcia ŭ Łuhanskaj i Danieckaj abłaściach — heta zadača ŭkrainskich uładaŭ, bo heta terytoryja Ukrainy.
«Ukrainskim uładam — kali jany sapraŭdy ličać ŭschodnija terytoryi ŭkrainskimi — usio ž varta razumieć, što naładžvańnie žyćcia tam — heta pierš za ŭsio zona ich adkaznaści. Jak Rasijskaja Fiederacyja ŭziała na siabie adkaznaść za naładžvańnie žyćcia ludziej u Krymie», — napisaŭ Miadźviedzieŭ, adznačyŭšy, što rasijskaje kiraŭnictva ličyć pytańnie terytaryjalnaj sprečki zakrytym.
Na dumku Miadźviedzieva, Ukraina pakul nie hatovaja brać na siabie adkaznaść za paŭdniovy ŭschod krainy. «Danbas i Łuhansk akazvajucca ŭ ekanamičnaj błakadzie, jakuju svaim ža hramadzianam abviaścili ich centralnyja ŭłady. Niaŭžo mała taho, što pa mirnych hramadzianach stralajuć ich ža suajčyńniki? Treba jašče i kanamična źniščyć ludziej i cełyja vobłaści? Heta biesprecedentny vypadak», — panarakaŭ rasijski premjer.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
Kamientary