Takoje rašeńnie pryniata na pasiadžeńni praŭleńnia Nacbanka, paviedamili va ŭpraŭleńni infarmacyi i hramadskich suviaziej hetaha viedamstva.
«Na fonie zapavoleńnia inflacyjnych pracesaŭ zachavańnie biahučaha ŭzroŭniu staŭki refinansavańnia budzie sadziejničać dalejšamu źnižeńniu tempaŭ rostu spažyvieckich cen, padtrymańniu ŭstojlivaha stanu valutnaha i depazitnaha rynkaŭ, zabiaśpiečvajučy pryvabnyja ŭmovy dla źbieražeńniaŭ u biełaruskich rublach», — adznačyli ŭ Nacbanku, nahadaŭšy, što ŭ listapadzie indeks spažyvieckich cen u hadavym vyražeńni skłaŭ 118,3% ŭ paraŭnańni z 119,4% ŭ kastryčniku.
U dalejšym Nacyjanalny bank pradoŭžyć praviadzieńnie pracentnaj palityki, nakiravanaj na abmiežavańnie inflacyjnych pracesaŭ i padtrymańnie finansavaj stabilnaści.
Raniej kiraŭnictva Nacbanka nieadnarazova zajaŭlała, što da kanca hoda staŭku refinansavańnia źnižać nie płanujecca. Na ŭzroŭni 20% jana ŭstanaviłasia ŭ žniŭni. Asnoŭnymi napramkami hrašova-kredytnaj palityki na 2015 hod praduhledžana, što siaredniehadavaja staŭka refinansavańnia budzie na ŭzroŭni 15-16% hadavych.
