Alaksandr Łukašenka raźličvaje, što Jeŭropa budzie razumna padychodzić da adnosin z postsavieckimi krainami, pierš za ŭsio z Rasijaj. Pra heta jon zajaviŭ siońnia na sustrečy z prezidentam Fondu mižnarodnaha supracoŭnictva Ramana Prodzi.
«Uličvajučy, što my z vami jeŭrapiejcy, što našy krainy znachodziacca ŭ Jeŭropie, my vielmi zacikaŭleny ŭ narmalizacyi adnosin z našymi jeŭrapiejskimi partniorami. Ale vy pavinny dakładna razumieć, što my hatovyja da hetaj narmalizacyi na ŭzajemapavažlivych pryncypach, hatovyja na pryncypach raŭnapraŭja budavać našy adnosiny», — skazaŭ biełaruski lidar.
«My absalutna, darečy, jak i vy, nie prymajem movu sankcyj i raźličvajem, što Jeŭropa budzie razumna padychodzić da adnosin z respublikami byłoha Savieckaha Sajuza i pierš za ŭsio z Rasijskaj Fiederacyjaj. Nielha tut nam dziejničać z pazicyj sankcyj, pahroz i hetak dalej. Sučasny śviet hetaha nie cierpić», — padkreśliŭ Łukašenka.
Alaksandr Łukašenka vykazaŭ mierkavańnie, što fond, jaki zasnavaŭ Ramana Prodzi, paspryjaje vyrašeńniu mnohich pytańniaŭ mižnarodnaha paradku dnia. «My, napeŭna, nie adzinyja, chto čakaje kankretnych vysnoŭ i rekamiendacyj vašych kalehaŭ pa situacyi ŭ śviecie i niejkim napramkach dziejańniaŭ u suviazi z tymi prablemami, jakija skłalisia na mižnarodnaj arenie», — adznačyŭ kiraŭnik biełaruskaj dziaržavy. U suviazi z hetym Łukašenka zaŭvažyŭ, što jamu ŭjaŭlajecca vielmi cikavym padzialicca svaim mierkavańniem, ŭražańniami pa situacyi ŭ śviecie.
Prodzi — italjanski levy palityk. Alaksandr Łukašenka kamunikavaŭ praź jaho ź jeŭrapiejskimi palityčnymi kołami jašče ŭ pieryjad libieralizacyi 2008—2010 hadoŭ.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary