Premii za najlepšyja pierakłady hoda atrymali Bacharevič, Bialkovič i Chadanovič
Ich prysudžaje internet-časopis «PrajdziŚviet».
Cyrymonija ŭručeńnia prajšła padčas «Kaladnaj viečarynki» 22 śniežnia ŭ kniharni «łohvinaŬ».
U troch naminacyjach łaŭreatami byli nazvanyja Andrej Chadanovič (paezija), Vieranika Bialkovič (proza) i Alhierd Bacharevič (publikacyja ŭ «PrajdziŚviecie»). Pieramožcy atrymali lamcavyja statuetki aŭtarstva Vieraniki Faminoj i dypłomy.
Akramia pieramožcaŭ, svaje pierakłady pračytali Iryna Hierasimovič i Maryja Martysievič.
Całkam śpis pretendentaŭ na premiju vyhladaŭ nastupnym čynam:
Proza
- Alhierd Bacharevič: Braty Hrym «Kazki»
- Vieranika Bialkovič: Irena Doŭskava «Mocny Žbuć»
- Maryja Martysievič: Bahumił Hrabał «Ja absłuhoŭvaŭ anhielskaha karala»
- Siarhiej Smatryčenka: Michał Viveh «Cudoŭnyja hady sabaku pad chvost»
- Maksim Ščur: Ehan Bondy «Zaprašeńnie na viačeru»
Paezija
- Iryna Hierasimovič: Ilma Rakuza «Pierakreślić usio»
- Andrej Hucaŭ, Aleś Razanaŭ: Ułdys Berzyńš «Sałaŭi kryčać pa-łatyšsku…»
- Maryja Martysievič: Alaksandr Fredra «Dziavočyja zaroki, abo Mahnietyzm serca»
- Andrej Chadanovič: zbornik pierakładaŭ «Razam z pyłam», Alaksandr Fredra «Pomsta», Ryšard Krynicki «Dakranucca», pierakłady z knihi Visłavy Šymborskaj «Kaniec i pačatak»
Publikacyja ŭ «PrajdziŚviecie»
- Alhierd Bacharevič: Vilhielm Haŭf «Historyja pra karabiel pryvidaŭ», Jan Vahnier «vierabiej hiurykie»
- Alaksiej Znatkievič: Kien Kizi «Palot nad hniazdom ziaziuli», Robiert Entan Ŭiłsan «Trynaccać choraŭ dla boskaha markiza»
Padčas «Kaladnaj viečarynki» Hanna Jankuta i Kaciaryna Macijeŭskaja taksama prezientavali knižnuju sieryju «PostScriptum».
Hanna Jankuta začytała ŭryvak z «Kaladnaha charału» Čarłza Dykienska, nadrukavanaha ŭ apošnim zborniku sieryi «Padarunak na Kalady».
Uładź Lankievič i Jula Cimafiejeva raskazali pra apošni, 14-y numar vydańnia, «Łabirynty inšaśvietu» i začytali svaje pierakłady ź jaho.
Časopis pierakładnoj litaratury «PrajdziŚviet» uźnik u 2008 hodzie. U im publikujecca vielmi vartaja litaratura.
Kamientary