Armienija choča damovicca ź ES ab zonie svabodnaha handlu i adnačasova być u JEAES.
Armienija adnaŭlaje pieramovy ab novym pahadnieńni ź Jeŭrasajuzam, u jakim buduć maksimalna zachavanyja ŭsie normy pahadnieńnia ab asacyjacyi, jakija nie supiarečać siabroŭstvu krainy ŭ Jeŭrazijskim ekanamičnym sajuzie (JEAES), zajaviŭ u sieradu pieršy namieśnik ministra ekanomiki Armienii Harahin Miełkanian.
Płanavałasia, što Jerevan padpiša ź ES pahadnieńni ab asacyjacyi i zonie svabodnaha handlu ŭ listapadzie 2013 na vilenskim samicie «Uschodniaha partniorstva». Adnak za dva miesiacy da hetaha Armienija zajaviła ab namiery ŭstupić u Mytny sajuz i ŭdzielničać u jeŭrazijskaj intehracyi. Dahavor ab stvareńni JEAES byŭ padpisany Rasijaj, Biełaruśsiu i Kazachstanam 29 maja ŭ Astanie, dakumient ustupaje ŭ siłu z 1 studzienia 2015 hoda. Armienija padpisała dahavor 10 kastryčnika 2014 h. Dahavor ab dałučeńni Armienii da JEAES ratyfikavali parłamienty Rasii, Biełarusi i Kazachstana.
«Armienija adnaŭlaje pieramovy vakoł padpisańnia novaha pahadnieńnia ź ES, u jakim buduć maksimalna zachavanyja ŭsie tyja normy pahadnieńnia ab asacyjacyi, jakija mahčymyja i nie supiarečać siabroŭstva Armienii ŭ JEAES», — zajaviŭ Miełkanian dziaržaŭnamu infarmahienctvu «Armienpres».
Jon dadaŭ, što ŭžo vyznačany asnoŭnyja napramki, pa jakich Armienija budzie pahłyblać suviazi ź dziaržavami-členami ES. «Paśla vyśviatleńnia śfier supracoŭnictva ź Jeŭrazijskim ekanamičnym sajuzam dla Armienii stała mahčyma ŭrehulavać suviazi i ź JeC, što pavinna było pryvieści da stvareńnia novaha pravavoha farmatu supracoŭnictva Armienija-ES», — skazaŭ Miełkanian.
Namieśnik ministra ekanomiki taksama pieraličyŭ asnoŭnyja śfiery i napramki supracoŭnictva, jakija ŭvojduć u novaje pahadnieńnie: handlovyja adnosiny, abarona kankurencyi, pravy intelektualnaj ułasnaści, techničnyja rehłamienty, biaśpieka praduktaŭ charčavańnia. «Paralelna z hetym MZS abmiarkoŭvaje taksama palityčny błok pahadnieńnia. Kali pracy buduć iści efiektyŭna, Armienija ŭ najbližejšaj budučyni padpiša novaje pahadnieńnie ź ES», — ličyć Miełkonian.
Pavodle jaho słoŭ, uklučanyja ŭ pahadnieńnie śfiery ŭziatyja z pahadnieńnia ab hłybokaj i ŭsioabdymnaj zonie svabodnaha handlu, u jakoje ŭvachodzili 28-29 śfier, u tym liku enierhietyka, hornazdabyŭnaja pramysłovaść, pravy čałavieka, adukacyju i inšyja.
«U ciapierašni čas razhladajucca ŭsie tyja punkty, jakija buduć uklučany ŭ novy pakiet, kab jany nie supiarečyli tym abaviazacielstvam, jakija biare na siabie Armienija, ustupajučy ŭ JEAES», — skazaŭ Miełkanian i dadaŭ, što nie spynicca i sadziejničańnie, jakoje pradstaŭlajecca Armienii z boku ES. U hetym kantekście jon znoŭ nahadaŭ ab prahramie sadziejničańnia, jakaja budzie realizavana ŭ pieryjad 2014 -2017 hadoŭ. Za hety čas Armienii budzie pradastaŭlena 140-170 miljonaŭ jeŭra na raźvićcio šerahu śfier.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary