Kaladny śpieŭ «Maryja, ci viedała ty?» sabraŭ 26 młn prahladaŭ na Youtube
Klip «Maryja, ci viedała ty?» (Mary Did You Know?), jakuju śpiavaje akapelny amierykanski hurt Pentatonix, staŭ siensacyjaj muzyčnych čartaŭ u listapadzie i śniežni 2014 hodf, piša resurs billboard.com, jaki adsočvaje internet-prahlady i prodažy muzyčnych albomaŭ.
U piačory, trymajučy śviečki, muzyki Avi Kapłan, Kirści Maldanada, Skot Chojinh, Mitč Hrasi i Kievin Ałusoła śpiavajuć:
Maryja, ci viedała ty, što adnojčy tvoj niemaŭlatka-Syn pojdzie pa vadzie?
Maryja, ci viedała ty, što tvoj niemaŭlatka-Syn uratuje našych synoŭ i dačok?
Ci viedała ty, što tvoj niemaŭlatka-Syn budzie chadzić šlachami aniołaŭ?
I što, kali ty całuješ svajo dzicia, ty całuješ Tvar Boha.
Heta kavier-viersija pieśni, napisanaj ŭ 1991 hodzie Markam Łoŭry i Badzi Hrynam.
Zaraz videa, zapampavanaje na Youtube 11 listapada, maje bolš za 26,5 miljonaŭ prahladaŭ.
Kaladny albom moładzievaha — samomu «staromu» ŭdzielniku 26 hod — hurtu debiutavaŭ u kastryčniku i adrazu vyjšaŭ na 9 miesca ŭ śpisie Billboard 200.
U śniežni zborka «That's Christmas to Me» była sertyfikavanaja RIAA, abjadnańniem amerykanskaj muzyčnaj industryi, jak płacinavaja - słuchačy nabyli bolš za miljon kopij.
Hurt arhanizavaŭsia try hady tamu, kali maładziony sabralisia paŭdzielničać u telekonkursie Sing-Off dla kalektyvaŭ, jakija śpiavajuć biez muzyčnaha supravadžeńnia. Jany jaho i vyjhrali — zarabiŭšy na hetym $200.000.
Muzyki padpisali kantrakt z Sony Music, a taksama stvaryli ŭłasny aficyjny kanał na YouTube, jaki staŭ 12m pa papularnaści siarod usich muzyčnych kanałaŭ.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary