Cana jaho nie pamianiałasia.
U Biełarusi z 1 studzienia 2015 hoda na aŭtazapraŭkach pradajecca dyzielnaje paliva tolki ekałahičnaha kłasa K5. Pra heta paviedamiła pres-sakratarka kancerna «Biełnaftachim» Maryna Kaściučenka, piša BiełTA.
«Vykonvajučy patrabavańni mižnarodnaha rehłamientu, z 1 studzienia 2015 hoda biełaruskija aŭtazapravačnyja stancyi pierachodziać na prodaž dyzielnaha paliva tolki ekałahičnaha kłasa K5 (DT-K5) — jak zimovaha, tak i letniaha», — padkreśliła śpiecyjalist. Techničny rehłamient Mytnaha sajuza dazvalaŭ prodaž na terytoryi Biełarusi dyzpaliva ekałahičnaha kłasa K4 da 31 śniežnia 2014 hoda.
Płanujecca, što cana na paliva DT-K5 zachavajecca na ŭzroŭni DT-K4.
Biełaruskija naftapierapracoŭščyki (AAT «Mazyrski NPZ» i «Naftan») pierajšli na vypusk paliva palepšanaj ekałahičnaj jakaści. Jano markirujecca pa jeŭrapiejskim standarcie Jeŭra-5, a pa kłasifikacyi, pryniataj na terytoryi Mytnaha sajuza, jak kłas K5. «Uzrovień techničnaj asnaščanaści naftapierapracoŭčych zavodaŭ dazvalaje ŭ poŭnym abjomie zabiaśpiečyć patrebnaści biełaruskaha rynku ŭ palivie adpaviednaha kłasa», — kanstatavała Maryna Kaściučenka.
U paraŭnańni z K4 u DT-K5 mienš siery (nie bolš za 10 ppm — za 10 milihramaŭ na 1 kiłahram, abo 0,001%). Dadzienaje paliva całkam adpaviadaje patrabavańniam jeŭrapiejskaha standartu EN 590: 2009 (Jeŭra-5). Na takim palivie pavialičvajecca termin słužby katalizataraŭ i vychłapnoj sistemy, źnižajecca kisłotnaja siarnistaja karozija.
Ciapier čytajuć
Zamiest vajny słany ŭ novaj knizie Sašy Filipienki. I Maskva4
Kamientary