Siońnia ranicaj pamior Vasil Lavonaŭ. Pra heta ŭ svaim fejsbuku paviedamiŭ žurnalist Alaksandr Koktyš.
Mocny, razumny, valavy. Były pieršy sakratar Mahiloŭskaha abkama KPB. Były ministr sielskaj haspadarki Biełarusi. Były palityčny źniavoleny, jakoha nie złamała turma, napisaŭ u svaim fejsbuku Alaksandr Fiaduta.
***
Vasil Lavonaŭ naradziŭsia 16 krasavika 1938 ŭ vioscy Dubianiec Kaściukovickaha rajona Mahiloŭskaj vobłaści. U 1964 skončyŭ Biełaruski instytut miechanizacyi sielskaj haspadarki, a potym Minskuju vyšejšuju partyjnuju škołu. Pracavaŭ cieślarom, šachcioram, inžynieram-miechanikam, staršyniom saŭhasa.
U 1984-1989 staršynia Mandatnaj kamisii, deputat Viarchoŭnaha Savieta SSSR. U 1991 na niekalki miesiacaŭ pryznačany viadučym śpieecyjalistam Hałoŭnaha upraŭleńnia ekanamičnych suviaziaŭ z kapitalistyčnymi krainami ŭ Maskvie. Paśla zabarony KPSS byŭ nakiravany handlovym pradstaŭnikom Biełarusi ŭ Niamieččynu (1991-1994).
Padčas vybaraŭ pieršaha prezidenta Biełarusi Lavonaŭ padtrymlivaŭ V. Kiebiča, adnak niahledziačy na heta, pryniaŭ prapanovu A. Łukašenki zaniać pasadu ministra sielskaj haspadarki i charčavańnia. V. Lavonaŭ nie padtrymaŭ ideju referendumu 1996 hoda, paśla čaho ŭ ministerstvie pačalisia masiravanyja pravierki.
Vasil Lavonaŭ byŭ aryštavany 11 listapada 1997 hoda ŭ pracoŭnym kabiniecie. Jaho aryšt zdymała hrupa apierataraŭ BT. Eks-ministru byli pradjaŭlenyja abvinavačańni pa troch artykułach Kryminalnaha kodeksa RB: art. 91.1 – «kradziež majomaści ŭ asabliva bujnych pamierach», art. 169 — «atrymańnie chabaru» i art. 213 — «niezakonnaje zachoŭvańnie bajavych prypasaŭ i zbroi».
Na sudzie Lavonaŭ viny nie pryznaŭ, zajaviŭšy, što ličyć svajo źniavoleńnie palityčnaj spravaj. 14 studzienia 2000 h. Vasil Lavonaŭ pryznany Viarchoŭnym sudom vinavatym u chabarnictvie i kradziažy dziaržaŭnaj majomaści dy pakarany 4 hadami kałonii z kanfiskacyjaj majomaści. Vyzvaleny 5 kastryčnika 2000 h. pavodle amnistyi.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1010
Kamientary