U kancy minułaha hoda biełaruskija banki sutyknulisia z deficytam hrošaj. Jon staŭ vynikam prablem na valutnym rynku i masavym adtokam depazitaŭ. U jakaści abarony finansavyja ŭstanovy pavysili staŭki pa ŭkładach i praktyčna całkam admovilisia ad kredytavańnia nasielnictva. Z takoj rekamiendacyjaj vystupaŭ i Nacbank. Paśla dvuchtydniovaj paŭzy banki znoŭ advažylisia davać pazyku svaim klijentam. Praŭda, pad vielmi vysoki adsotak, pišuć Finance.tut.by
Samyja darahija kredyty siońnia prapanuje Bank VTB (Biełaruś) — pad 84,9% hadavych. Heta ŭ dva razy daražej, čym da padziejaŭ 19 śniežnia 2014 h. Na takich umovach tut možna pazyčyć da 150 miljonaŭ na termin ad 13 miesiacaŭ da 5 hadoŭ. Termin razhladu zajaŭki — 3 dni.
Z 5 studzienia kredytavańnie adnaviŭ i Bank Maskva-Minsk. Rašeńnie ab vydačy hrošaj tut abiacajuć pryniać ŭsiaho za hadzinu. Da 50 miljonaŭ rubloŭ možna atrymać na 2 hady pad 75% hadavych. Pry najaŭnaści paručycielaŭ bank hatovy pazyčyć vialikuju sumu — ad 50 da 300 miljonaŭ — na 3 hady pad 70% hadavych.
Pazyki da 50 miljonaŭ rubloŭ prapanuje Alfa-Bank. U zaležnaści ad terminu kredytavańnia pracentnaja staŭka roznaja: na hod — 65%, na dva — 66%, na try — 67% hadavych. Pierapłaty možna skaracić na 3 pracentnyja punkty. Ale dla hetaha treba aformić strachoŭku, košt jakoj składzie da 2% ad vydadzienaj sumy. Taksama bank spahaniaje z klijentaŭ kamisiju za «pakiet pasłuh»: pry sumie da 35 miljonaŭ — 389 tysiač u miesiac, bolš — 609 tysiač rubloŭ.
