Viadomy rasiejski karykaturyst u svaim błohu na sajcie «Echo Moskvy» vykazvajecca pa śladach padziej u redakcyi Charlie Hebdo.
Na karykaturu chvoryja tyja, chto jaje tvoryć. Kali ty maluješ karykaturu, to ty dumaješ, jak karykaturyst i jak karykaturyst bačyš śviet. Heta tvoj vobraz dumki i ty nie možaš pa-inšamu.
Ja chvory na hetuju chvarobu daŭno.
Ale chvoryja na karykaturu i tyja, chto ŭsprymaje jaje jak abrazu. Heta zusim inšaja chvaroba. Choć i virus byccam by adzin i toj ža.
Jość ludzi, jakija nie zdolnyja abstraktna dumać. Im hetaha nie dadziena. Jany nie dobryja i nie drennyja. Jany takija, jak jość. I da ŭzroŭniu intelektu ich asablivaść nie maje nijakaha dačynieńnia taksama.
Malavany piersanaž u ich u śviadomaści čamuści atajasamlivajecca z realnym. Heta toje ž samaje, što kali b akciora, jaki hraje złydnia, ličyli b złydniem u žyćci.
Karykaturyst časta vykarystoŭvaje ŭ karykaturach šmat simvałaŭ, šmat znakaŭ i časta vobrazy ź mifaŭ, lehiend, kłasičnaj litaratury, relihij.
Mastak nie stavić pierad saboj mety hetyja vobrazy ačarnić abo apahanić. Meta inšaja. Z dapamohaj hetych vobrazaŭ pakazać, ahalić, vyśmiejać ziamnyja, čałaviečyja zahany. Pakazać što viera, DLA NIEKATORYCH, — prykryćcio čahości nieprystojnaha; što viera, DLA NIEKATORYCH, — chłuśnia i pafas; što viera, DLA NIEKATORYCH, — moda; što viera, DLA NIEKATORYCH, — ščylina, i td.
DLA NIEKATORYCH, ja padkreślivaju.
Kali ty praŭdzivy viernik, i tvaje pačućci ranimyja, — žyvi pa relihijnych praviłach, relihijnych kanonach, adpaviednym čynam apranajsia, adpaviednym čynam charčujsia, malisia, šanuj zapaviedzi, i nijakim čynam nie ŭvachodź u inšy śviet, dzie tvaje pačućci mohuć być abražania. Bieražy ich i nie spakušaj siabie. Nie hladzi «drennyja» karykatury. Nie hartaj «drennyja» časopisy. Nie hladzi «drennyja» filmy, śpiektakli, vystavy… Nie leź na «drennyja» sajty, nie čytaj «drennyja» knihi.
Nu a kali ŭžo ty sam tudy, u hetaje «drennaje», palez — to vinavać u hetym vyklučna siabie. Heta ty abraziŭ svaje pačućci viernika.
Budźcie zdarovyja i trymajcie siabie ŭ rukach.
I karcinki vam — nie jak zvyčajna.
Uvaha! Aściarožna!
Pačućci tvaje, kali ty praŭdzivy viernik, mohuć być abražanyja. Nie hladzi takija karcinki. Pahladziš — tady vinavać siabie.
⇊
⇊
⇊
⇊
⇊
⇊
⇊
⇊
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary