Pryčynaj krachu piacihadovaha ramana futbalista Kryšcijanu Ranałdu z rasijskaj madelkaj Irynaj Šejk stała maci futbalista, paviedamlajuć partuhalskija ŚMI.
Ranałdu kinuŭ svaju kachanuju paśla taho, jak jana admoviłasia pryjechać na ŭračystaść u honar 60-ha dnia narodzinaŭ jaho maci i pavinšavać jaje.
Iryna ŭ hety čas adpačyvała na trapičnych vyspach, i na prośbu kachanaha padjechać da jaho na radzimu ŭ Partuhaliju na śviata jaho mamy adkazała admovaj.
Pra heta presie paviedamiła krynica, blizkaja da futbalista.
«Kryšcijanu chacieŭ zrabić svajoj matuli siurpryz u jaje dzień narodzinaŭ i płanavaŭ, što paśla sumiesnaha ź Irynaj adpačynku ŭ Dubai na Kalady jany viernucca ŭ Partuhaliju i razam adśviatkujuć jubilej jaho mamy. Iryna jechać nie zachacieła, i jany surjozna pasvarylisia. Heta stała apošniaj kroplaj u ich i biez taho składanych adnosinach. Novy hod Ronałdu sustreŭ sa svaim synam», — cytuje słovy insajdara brytanskaja hazieta The Express.
U Iryny Šejk, mabyć, nie znajšła razumieńnia takaja zanadta mocnaja prychilnaść jaje bojfrenda da svajoj maci, i jana paśla rasstańnia navat čuć nie choča pra Ranałdu, pakolki adrazu ž paśla svarki adpisałasia ad jaho abnaŭleńniaŭ u Tvitary i nie pavinšavała jaho z tym, što jon atrymaŭ prestyžnuju ŭznaharodu «Załaty miač».
-
Dziaŭčyna z «kavunovaha bataljona» Łukašenki atrymała ŭ Rymie prapanovu ruki i serca. Chto ž žanich?
-
U Brytanii doktar pravodziŭ apieracyju, vyjšaŭ pazajmaŭsia seksam ź miedsiastroj, viarnuŭsia i ŭsio darabiŭ
-
Złoŭlenaja na zdradzie ŭ časie kancerta Coldplay top-mieniedžarka kampanii Astronomer razvodzicca z mužam
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary