U čym ciapier vyhadna zachoŭvać hrošy: paraŭnańnie dachodnaści valutnych i rublovych depazitaŭ

Biełarusaŭ nie treba vučyć finansavaj hramatnaści. Adčuŭšy ŭ pavietry podych devalvacyi, za śniežań 2014 hoda nasielnictva skupiła najaŭnaj i bieznajaŭnaj valuty na $902 miljony na čystaj asnovie (heta roźnica miž kuplaj i prodažam).

Adkul uzialisia hetyja hrošy? Pieradusim z rublovych układaŭ. Za miesiac z terminovych depazitaŭ i ŭkładaŭ da zapatrabavańnia było vyniesiena bolš za 6,1 tryljona rubloŭ. Heta kala $550 miljonaŭ u ekvivalencie.

Takim čynam, u biełarusaŭ na rukach apynulisia vialikija abjomy hrošaj. Kudy ludzi ich panieśli? Dakładna nie ŭ banki. Valutnyja depazity za śniežań pryraśli ŭsiaho na $50 miljonaŭ, i toje bolšaść ad hetaj sumy — kapitalizacyja pracentaŭ pa raniejšych układach.

Hrošy zastalisia na rukach, i pierad biełarusami, jakija ŭratavali svaje aščadžeńni ad devalvacyi, staić vostraje pytańnie: jak jašče i atrymać ź ich prybytak?

Uličym, što ŭ kišeni jość tysiača dalaraŭ ci adpaviednik u rublach — 15 miljonaŭ. Kudy ich možna ŭkłaści i jaki dachod heta daść? Pakolki pradkazać dalejšaje razhortvańnie padziej składana, budziem kłaści hrošy na try miesiacy.

Rublovyja depazity

Adrazu paśla ŭviadzieńnia valutnaj kamisii staŭki pa terminovych rublovych depazitach padskočyli da 50% hadavych, potym Nacbank parekamiendavaŭ bankam abmiežavać ich.

Adnak staŭki pa­-raniejšamu vysokija.

Naprykład, «Ideja Bank» (depazit — «Patrojny bonus») prymaje hrošy pad 49% hadavych, i z kožnym miesiacam staŭka vyrastaje na 1,5%. Ale ci nie źjeść dachody devalvacyja? Rublovy ŭkład apraŭdaje siabie, kali kurs dalara za nastupnyja try miesiacy vyraście nie bolš čym na 10%.

Antydevalvacyjnyja depazity

Dla tych, chto zastaŭsia ź biełaruskimi rublami na rukach, ale bolš nie vieryć u tryvałaść nacyjanalnaj valuty, jość tak zvanyja «antydevalvacyjnyja ŭkłady». Dachodnaść u ich raźličvajecca pa nastupnaj schiemie. Jość asnoŭnaja staŭka — 10—­15% hadavych, — a taksama dadatkovaja. Jana zaležyć ad taho, nakolki vyraście aficyjny kurs dalara.

Naprykład, kali praz hod kurs składzie 25 000 rubloŭ (vyraście amal na 70%), to i staŭka dachodnaści składzie bolš za 80%. Ale kali kurs zamarozicca, to klijent zastaniecca z asnoŭnymi 10—15%, i nie bolš za toje (hladzi tablicu).

Prybytkovaść depazita «Harant» («Biełarusbank») u zaležnaści ad aficyjnaha kursa dalara 21.01.2016*

Pavialičyć

Hety typ depazitaŭ staŭ asabliva papularnym paśla ŭviadzieńnia valutnaj kamisii i źjaŭleńnia niekalkich kursaŭ. Tady isnavała vielmi vyhadnaja formuła: «staŭka devalvacyi, pamnožanaja na 4 + bonus 10%». Tyja, chto tady adčuŭ situacyju i adnios hrošy ŭ bank, ciapier trymajuć svaje rubli bolš čym pad 150% hadavych!

U vyniku banki terminova źmianili ŭmovy pa novych kantraktach — ciapier hrošy možna pakłaści tolki na hod. A maksimalnuju staŭku abmiežavali.

Valutnyja depazity

U hetym siehmiencie staŭki taksama vyraśli, jany dasiahajuć 6,5%. Pakłaŭšy ŭ bank «BiełVEB» (depazit «Skarbonka») svaju tysiaču dalaraŭ, praz try miesiacy možna atrymać $1016. Takaja samaja staŭka ŭ «Biełaruskaha narodnaha banka» (depazit «Toje, što treba»).

Pavodle zakona, Biełaruś harantuje poŭnaje viartańnie ŭkładaŭ, ale kali ŭsie klijenty raptam paprosiać svaje hrošy nazad, nie vytrymaje nijakaja bankaŭskaja sistema.

Uklučyć stanok i nadrukavać patrebnuju kolkaść rubloŭ nie stanie prablemaj, a voś valuty moža ŭsim nie chapić.

Valutnyja aktyvy bankaŭ mohuć tolki na tracinu kampiensavać depazity. Što heta značyć? Pry fors­mažornaj situacyi defołtu svaje hrošy paśpieje viarnuć tolki tracina ŭkładčykaŭ.

• 0
• 0
• 0
• 0
• 0
• 0
• 0
• 0