Druhi prezident Ukrainy Leanid Kučma ŭśled za RNBA i Parašenkam zajaviŭ ab bajavych dziejańniach pamiž ukrainskimi i rasijskimi vojskami ŭ Danbasie.
«Rasija siońnia nie pojdzie na adkrytaje ŭviadzieńnie svaich vojskaŭ va Ukrainu. Jany da hetaha času nie pryznajuć toje, što rehularnyja rasijskija vojski ŭdzielničajuć. Choć siońnia i durniu zrazumieła, što biez rasijskich vajskoŭcaŭ nie adbyvajucca ŭsie hetyja padziei», — zajaviŭ Kučma.
Pavodle jaho słoŭ, rasijski bok akazvaje cisk, kab damahčysia zhody z vysunutymi imi ŭmovami.
«Na terytoryi Ukrainy vajuje Rasija z Ukrainaj. Ja hłyboka pierakanany, što my z hetaha vyjdziem bolš mocnaj nacyjaj, bolš zhurtavanaj nacyjaj. Bo, jak my bačym pa siońniašniaj situacyi, nam hetaha nie chapaje», — dadaŭ Kučma.
