Nafta nikoli bolš nie budzie kaštavać pa 100 dalaraŭ za barel.
Pra heta, jak paviedamlaje Reuters, zajaviŭ prezident Vieniesueły Nikałas Madura, vystupajučy z hadavoj spravazdačaj u Nacyjanalnaj asamblei (parłamiencie) krainy.
«Cana na naftu ŭžo nie vierniecca da (adznaki) u 100 dalaraŭ», —skazaŭ Madura. Jon adznačyŭ, što 2015 stanie dla Vieniesueły «hodam vyklikaŭ». «My raspracavali biudžet, zychodziačy z cany ŭ 60 dalaraŭ za barel. A ciapier jana kaštuje 40», — nahadaŭ kiraŭnik dziaržavy.
Madura taksama paabiacaŭ uvieści strohi kantrol za raźmierkavańniem i pastaŭkami praduktaŭ, paabiacaŭšy prymianić «ŭsiu siłu zakona» ŭ dačynieńni da tych, chto «čynić sabataž». Deficyt tavaraŭ u Vieniesuele, na dumku prezidenta, staŭ «śledstvam vajny», nakiravanaj na toje, kab vyklikać niezadavolenaść hramadzian. U hetkim stanie rečaŭ Madura zvykła abvinavaciŭ apazicyju.
