U pieršyja chviliny vybaraŭ u Kaardynacyjnuju radu, jakija startavali a 0.00 25 maja, sajt dla hałasavańnia zaznaŭ maštabnuju ataku.
Pa słovach staršyni vybarkama Aleny Prychodźki, ataka pravodziłasia z roznych hieahrafičnych punktaŭ.
«Možna skazać, što pieršyja demakratyčnyja vybary ŭ Biełarusi pačalisia z kałasalnaj jaŭki. Jakaja ŭžo ciapier pieravyšaje kolkaść nasielnictva Biełarusi bolš čym u dva razy», — raspaviała Prychodźka.
Jana paabiacała trymać vybarščykaŭ u kursie situacyi.
Prahałasavać na vybarach u Kaardynacyjnuju radu mohuć uładalniki biełaruskich pašpartoŭ. Addać svoj hołas za adzin sa śpisaŭ možna na sajcie, a taksama praź śpiecyjalny dadatak. Hajd možna znajści na sajcie KR.
Vybary praciahnucca da 27 traŭnia ŭklučna.
Raniej łukašenkaŭcy raspačali kryminalnyja spravy pa ciažkich artykułach suprać usich da adnaho kandydataŭ u Kaardynacyjnuju radu.
Čytajcie taksama:
Palityka sprava moža i brudnaja, ale miesca maralnym normam jość i ŭ joj. Razvahi da kiejsa Azarava
Błok Azarava źniali z vybaraŭ u Kaardynacyjnuju radu
Azaraŭ admoviŭsia zdymacca z vybarčaj honki ŭ Kaardynacyjnuju radu
