Anłajn-hulnia ŭ śviecie Oblivion i Skyrim admoviłasia ad abanienckaj płaty
Za The Elder Scrolls Online ciapier dastatkova budzie zapłacić adnojčy, kab nabyć hulniu, piša PC Gamer.
Anłajn-hulnia, što źjaŭlajecca prykvełam da kultavych Skyrim, Oblivion i Morrowind, vyjšła dla piersanalnych kampjutaraŭ viasnoj 2014 hoda.
Sama hulnia kaštavała 60 jeŭra, padpiska na jaje — 13 jeŭra na miesiac albo 66 jeŭra na paŭhady (ceny adroźnivalisia dla roznych rehijonaŭ). Hulnia zdabyła kala 1,2 młn padpisčykaŭ, ale nie nabyła takoha rozhałasu, jak anłajn-prajekty kankurentaŭ.
Całkam ad madeli padpiski stvaralniki nie admoviacca. Na 30, 90 i 180 dzion možna budzie nabyć dostup da ŭsich admysłovych dapaŭnieńniaŭ (DLC). Nie źniknuć i apcyjanalnyja pakupki za realnyja hrošy pradmietaŭ ŭ samoj hulni.
The Elder Scrolls Online raspaviadaje pra padziei, što adbyvalisia za 10 tysiač hadoŭ da historyi Skyrim.
Hulec volny abrać adzin z čatyroch bakoŭ hramadzianskaj vajny, što razharełasia ŭ karaleŭstvie Tamryel paralelna z navałaj ciomnaha prynca Mołah Bała i ŭzychodam niekramanta Manimarka. Dla hulni dastupnyja ŭsie vobłaści karaleŭstva, u tym liku pravincyi Skajrym, Siradył, Moraŭind i Dahierfoł z papiarednich hulniaŭ.
Hulnia narešcie źjavicca dla kansolaŭ PlayStation 4 I Xbox One 9 červienia ŭ viersii Tamriel Unlimited, što budzie ŭklučać usie abnaŭleńni, zroblenyja dla kampjutarnaj viersii. Kansolnyja viersii buduć mieć adaptavany pad džojstyki interfiejs. Anałahičnaje pieravydańnie Tamriel Unlimited dla PK možna budzie nabyć z 17 sakavika.
Ciapier čytajuć
«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ84
«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary