Mikałaju Statkieviču zabaranili doŭhaterminovaje spatkańnie sa svajakami ŭ škłoŭskaj kałonii № 17, paviedamiła BiełaPAN jaho žonka Maryna Adamovič.
Rašeńnie ab zabaronie było pryniataje paśla składańnia dvuch rapartaŭ ab parušeńni pravił unutranaha rasparadku ŭ pieršyja dva dni znachodžańnia ŭ kałonii, kudy Statkievič byŭ pieraviedzieny 13 studzienia z mahiloŭskaj turmy № 4. Pieršy rapart byŭ składzieny za nieŭstanoŭlenuju formu adzieńnia — štany, jakija byli vydadzienyja Statkieviču ŭ mahiloŭskaj turmie. Druhi rapart byŭ składzieny ŭ suviazi z tym, što za 15 chvilin da adboju jaho nie było na spalnym miescy.
Piacidziesiacivaśmihadovy Mikałaj Statkievič — adziny kandydat u prezidenty Biełarusi, jaki dahetul znachodzicca ŭ niavoli. Jamu nieadnarazova prapanavali napisać prašeńnie ab pamiłavańni na imia Alaksandra Łukašenki, ale jon kateharyčna admaŭlajecca heta rabić.
Kamientary