Biełarus trapiŭ u rabstva ŭ Dahiestanie. Kali ŭciok, trapiŭ na vajnu — a ciapier va ŭkrainski pałon
26-hadovaha Jaŭhiena Kamiankova šukali ŭ Biełarusi z 2022 hoda, a ŭ jaho tym časam byli pryhody ŭ Rasii.
U pałon da ŭkraincaŭ trapiŭ 26-hadovy Jaŭhien Kamiańkoŭ z Babrujska. Svaju žyćciovuju historyju jon raskazaŭ prajektu «Chaču žyć», jaki zaachvočvaje rasijskich vajskoŭcaŭ zdavacca ŭ pałon.
Kamiańkoŭ vychoŭvaŭsia ŭ dziciačym domie. Kali vyras, pajechaŭ na zarobki ŭ Maskvu. A ŭrešcie apynuŭsia ŭ rabstvie ŭ Dahiestanie. Vybracca było składana, bo jaho dakumienty spalili.
U Biełarusi chłopca abvieścili ŭ vyšuk, ale znajści nie zmahli.
Z Dahiestana Jaŭhien sprabavaŭ uciačy siem razoŭ. Kali narešcie atrymałasia, jon trapiŭsia palicejskim. Tyja adpravili jaho ŭ pryjomnik-raźmierkavalnik dla zamiežnikaŭ. Tam prapanavali vybar — ci na vajnu, ci ŭ turmu, a adtul na vajnu.
Urešcie Kamiańkoŭ apynuŭsia na froncie, pad Marjinkaj na Danbasie.
«Takija, jak jon, u rasijskaj armii zvyčajna traplajuć u «raschodnyja» padraździaleńni, dzie iduć na šturm na mylicach i invalidnych kresłach», — adznačaje prajekt «Chaču žyć».
«Paviarnuŭsia nazad — rasstralali. Nie vykanaŭ zahad — rasstralali. Pry mnie «abnulili» vaśmiarych, nie ličačy ŭkrainskaha vajennapałonnaha… U majoj hrupie zastałosia 9 čałaviek z 82», — raskazvaje Kamiańkoŭ.
Pa słovach Kamiańkova, jamu cudam udałosia vyžyć paśla taho, jak jaho chacieli «abnulić» svaje ž z dapamohaj FPV-drona, kali jon išoŭ da ŭkrainskich pazicyj zdavacca. Ukraincy akazali jamu nieabchodnuju miedycynskuju dapamohu, za što jon im vielmi ŭdziačny i prosić prabačeńnia za toje, što pryjšoŭ na ich ziamlu sa zbrojaj.
Ciapier čytajuć
Stała viadoma, dzie pracuje favarytka Łukašenki Uładlena Zajcava10
Kamientary