Rasijskaja vieterynarnaja słužba paćvierdziła fakt falsifikacyi dakumientaŭ na sasiski, jakija nibyta byli zroblenyja na Hrodzienskim miasakambinacie i ŭtrymlivali hienom virusa afrykanskaj čumy śviniej.
Pra heta havorycca ŭ infarmacyi Upraŭleńnia Raśsielhasnahladu pa Ćviarskoj i Pskoŭskaj abłaściach, raźmieščanaj na sajcie viedamstva.
«Upraŭleńniem Raśsielhasnahladu pa Ćviarskoj i Pskoŭskaj abłaściach była praviedziena pravierka ŭ suviazi z vyjaŭleńniem hienomu virusa AČS u pradukcyi «sasiski «Doktarskija» biełaruskaj vytvorčaści, adabranaj u ramkach epizaatyčnaha manitorynhu na Centralnym rynku h. Vialikija Łuki Pskoŭskaj vobłaści, — havorycca ŭ paviedamleńni. — U chodzie pravierki vyjaŭleny fakt falsifikacyi vieterynarnych supravadžalnych dakumientaŭ na pradukcyju. U ciapierašni čas usie materyjały pieradadzienyja ŭ pravaachoŭnyja orhany dla praviadzieńnia ŭvažlivaha rasśledavańnia».
Pra toje, što dakumienty na biełaruskuju pradukcyju sfalsifikavanyja, raniej zajaviŭ hienieralny dyrektar AAT «Hrodzienski miasakambinat» Anatol Hryšuk. Pavodle jaho słoŭ, na praciahu hadziny paśla źjaŭleńnia na sajcie Raśsielhasnahladu infarmacyi ab tym, što ŭ pradukcyi nibyta AAT «Hrodzienski miasakambinat» byŭ znojdzieny hienom AČS, u ćviarskciu łabaratoryju adpraviłasia biełaruskaja delehacyja.
«Tam nas pryniali narmalna. I vyśviatliłasia adrazu: pradukcyi Hrodzienskaha miasakambinata tam nikoli nie było. Jany nie zmahli pradjavić ni pradukcyju, ni dakumienty. Usio, što jany zmahli pakazać, — heta niejkija ksierakopii. Usio heta pasłužyła padstavaj dla taho, kab pieradać u palicyju zajavu pra padrobku dakumientaŭ», — adznačyŭ Anatol Hryšuk.
Hiendyrektar taksama paviedamiŭ, što Hrodzienski miasakambinat nie pastaviŭ ni adnoj partyi pradukcyi ŭ Rasiju z 10 śniežnia. Bolš za toje, pradpryjemstva i raniej nie ažyćciaŭlała pastaŭki ŭ Pskoŭskuju vobłaść.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami

Kamientary