Cim Durbin. Fota World Marathon Challenge
Siem marafonskich zabiehaŭ (pa 42 kiłamietry kožny) Suśvietny marafonski kłub ładziŭ u Antarktydzie, Punta Arenas (Čyli), Majami (ZŠA), Madrydzie (Ispanija), Dubai (AAE) i Sidnei (Aŭstralija). U kožnym ź ich uziaŭ udzieł amierykaniec Cim Durbin.
Štodzień jon bieh pa 6 hadzin i ŭdvaja bolej vandravaŭ u samalocie, spaŭ kali atrymlivałasia. Adnoj z metaŭ marafonu byŭ zbor 77 tysiač dalaraŭ dla Fondu daśledavańnia raku, jaki byŭ dyjahnastavany niekalkim jaho rodzičam.
Chacia Durbin źjaŭlajecca paśpiachovym płaŭcom i łyžnikam, u marafonie jon nie šukaje spabornictva i nie choča ŭstaloŭvać suśvietnyja rekordy. Jon tłumačyć, što meta jaho zabiehaŭ — nie pryjści pieršym, a zrabić niešta, što ludzi ličać niemahčymym. Paśla marafonaŭ Durbin płanuje tydzień adpačynku ŭ Aŭstralii pierad viartańniem dadomu.
Samaje składanaje ŭ takich zabiehach — absalutny niedachop času na adpačynak, tłumačyć Dyn Karnazies, jaki prabieh u 2006 hodzie 50 marafonaŭ za 50 dzion pa 50 štatach Amieryki. Zvyčajna ludziam patrebny miesiac, kab adyści ad marafonu, a ŭ Durbina, jak i ŭ Karnaziesa, było tolki niekalki hadzin.
