Pra heta kiraŭnik BATE Anatol Kapski zajaviŭ u intervju Tribuna.com
«Ja prychilnik mocnaj dziaržavy. Lepš palityka Pucina, čym palityka Harbačova i Jelcyna. Absalutna nie chaču raźbiracca ŭ pytańniach vajny, jakaja idzie va Ukrainie. Tam vielmi šmat pravych i vinavatych.
U tym, što adbyłosia, vinavatyja ŭ pieršuju čarhu sami ŭkraincy.
Na siońniašni dzień nie vieru, što mnohija ŭładazamožnyja zadumali usio heta ŭ imia naroda. Narod prosta vykarystoŭvajecca. Jak ni kruci, nam blizki i rasijski, i ŭkrainski narod.
Mnie pryjemna, što na čale rasijskaha naroda staić taki palityk i prezident, jak Pucin.
Dla mianie vidavočna, što Pucin — mocny čałaviek. Mnie padabajucca takija palityki. Nie dumaju, što Niamcoŭ i Jaŭlinski viali b Rasiju ŭ pravilnym kirunku. Demakratyja patrebna tam, dzie demakratyja vyśpiavała stahodździami. A ŭ nas niekalki inšaja situacyja..
— Zaraz u Rasii kryzis. Mahčyma, palityka Pucina nie va ŭsim pravilnaja?
— Časta hety kryzis źviazvajuć z kanfliktam z Ukrainaj i jeŭrapiejskimi sankcyjami. Nie dumaju, što pryčyny tolki ŭ hetym. Usio ž u Rasii vielmi vialikija resursy. Uličvajučy ich vysokuju da apošniaha času canu, hetyja resursy možna było vykarystoŭvać pa-inšamu.
— Ale ž hetymi resursami rasparadžajecca taksama Pucin.
— Pucina ja nikolki nie idealizuju. Adkazvaju tolki na pytańnie ab tym, jakija palityki mnie padabajucca. Da taho ž rašeńni, jak rasparadžacca resursami, prymaje nie tolki Pucin. Rasii prychodzicca bałansavać, z adnaho boku pazicyjanujučy siabie rynkavaj krainaj, a z druhoha — situacyja zahadvaje vykarystoŭvać mahutny administracyjny resurs.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ1
Kamientary