 Vincuk Viačorka |
Pieršy namieśnik strašyni Partyi BNF zajaviŭ, što ciapier ministerstva justycyi rychtuje jurydyčnuju asnovu dla likvidacyi apazycyjnych partyj. Vincuk Viačorka paviedamiŭ, što da hetaha času Abjadnanaja hramadzianskaja partyja i Partyja BNF atrymali papiaredžańni, jakija vynies miniust za ŭdzieł aktyvistaŭ partypi ŭ mitynhu 10 studzienia.
«My cudoŭna razumiejem, što rychtujecca svojeasablivaja jurydyčnaja asnova dla likvidacyi našych partyj. I my budziem reahavać na heta zhurtavana, i jak maha bolš rašuča. Budziem rychtavać novyja akcyi», — zajaviŭ Vincuk Viačorka.
15 studzienia lidery biełaruskaj apazycyi sabralisia ŭ štab‑kvatery Partyi BNF, kab vypracavać ahulnuju «liniju abarony» suprać atak ministerstva justycyi krainy, paviedamlajuć 16 studzienia «Novyje iźviestija».
Udzielniki pasiedžańnia miarkujuć, što ciapier miniust rychtujecca likvidavać apazycyjnuju Partyju kamunistaŭ Biełaruskuju, dziejnaść jakoj była prypyniena ŭ žniŭni 2007 hodu.
Pavodle słoŭ staršyni Partyi kamunistaŭ Biełaruskaj, miniust abvinavačvaje jaho partyju ŭ tym, «što emblema na paśviedčańniach praviej, čym treba, u tym, što ŭ našych listach u miniust «pali nadta vialikija».
Lidery apazycyi pryniali sumiesnuju zajavu z nahody dziejańniaŭ miniustu. U joj havorycca, što «kampanija salidarnaści z PKB musić stać siońnia ahulnaj spravaj usich hramadzian i ŭsich hramadzka‑palityčnych sił, jakija baroniać ideały svabody, demakratyi, zakonnaści j suverenitetu Respubliki Biełaruś».
