Alaksandr Łukašenka siońnia na sustrečy z kamandnym składam Uzbrojenych Sił zapeŭniŭ, što kali ŭźniknie nieabchodnaść vajennaj abarony dziaržavy, to budzie znachodzicca ŭ pieršych šerahach.
«Vy pavinny viedać: u nieabdumanyja, niepatrebnyja dla krainy avantury ja vas nikoli nie ŭciahnu. Ale, kali daviadziecca abaraniać svaju ziamlu i stajać śpinaj da śpiny, plačom da plača, vy možacie być upeŭnieny, što mianie vy tam ŭbačycie ŭ pieršych šerahach», — padkreśliŭ biełaruski lidar.
Alaksandr Łukašenka adznačyŭ, što jak Prezident i Hałoŭnakamandujučy ŭ adpaviednaści z Kanstytucyjaj niasie adkaznaść za stan biełaruskaj armii. «Heta najvažniejšaja maja zadača. Ja vam nie abiacaju załatych hor, čahości praźmiernaha, ale, kali budzie choć najmienšaja mahčymaść padtrymać vojska dadatkova, my heta zrobim», — zapeŭniŭ kiraŭnik dziaržavy.
«I heta nie abumoŭlena niejkimi palityčnymi padziejami. Heta abumoŭlena tolki adnym: vojska nie pavinna vypinacca z hramadstva, ale jano pavinna žyć dastojna», — dadaŭ Łukašenka.
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy4
Kamientary