MNS pravodzić konkurs na najlepšaje sełfi z numaram słužby vyratavańnia
Minskaje ŭpraŭleńnie Ministerstva pa nadzvyčajnych situacyjach Biełarusi pravodzić konkurs «Jak patelefanavać vyratavalnikam?» na najlepšaje sełfi z numaram słužby vyratavańnia. Pra heta paviedamili ŭ MNS.
U viedamstvie ŭdakładnili, što staličnaje ŭpraŭleńnie prymaje aryhinalnyja sełfi z numaram słužby vyratavańnia «101» abo «112» da 12.00 25 lutaha.
Pieramožcu konkursu budzie ŭručany padarunkavy siertyfikat adnaho z kartynh-kłubaŭ Minska. «Akramia taho, pryziory pabačać «Muziej ahniu» staličnaha MNS i paznajomiacca z umovami pobytu i słužby pažarnikaŭ, ubačać i navat pamacajuć sučasnyja techniku i ŭzbrajeńnie ratavalnikaŭ», — raspaviali pradstaŭniki MNS.
Elektronny paštovy adras, na jaki možna adpravić fatahrafiju i kantaktny telefon žadajučych paŭdzielničać u konkursie, raźmieščany na aficyjnym sajcie Ministerstva pa nadzvyčajnych situacyjach.
Jak źviarnuli ŭvahu supracoŭniki MNS, z 1 lipienia 2013 hoda ŭ Biełarusi ŭ vypadku pažaru abo inšaj nadzvyčajnaj situacyi, vyklikać ratavalnikaŭ možna pa numarach «101» i «112».
Kamientary