Мінскае ўпраўленне Міністэрства па надзвычайных сітуацыях Беларусі праводзіць конкурс «Як патэлефанаваць выратавальнікам?» на найлепшае сэлфі з нумарам службы выратавання. Пра гэта паведамілі ў МНС.
У ведамстве ўдакладнілі, што сталічнае ўпраўленне прымае арыгінальныя сэлфі з нумарам службы выратавання «101» або «112» да 12.00 25 лютага.
Пераможцу конкурсу будзе ўручаны падарункавы сертыфікат аднаго з картынг-клубаў Мінска. «Акрамя таго, прызёры пабачаць «Музей агню» сталічнага МНС і пазнаёмяцца з умовамі побыту і службы пажарнікаў, убачаць і нават памацаюць сучасныя тэхніку і ўзбраенне ратавальнікаў», — распавялі прадстаўнікі МНС.
Электронны паштовы адрас, на які можна адправіць фатаграфію і кантактны тэлефон жадаючых паўдзельнічаць у конкурсе, размешчаны на афіцыйным сайце Міністэрства па надзвычайных сітуацыях.
Як звярнулі ўвагу супрацоўнікі МНС, з 1 ліпеня 2013 года ў Беларусі ў выпадку пажару або іншай надзвычайнай сітуацыі, выклікаць ратавальнікаў можна па нумарах «101» і «112».
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся11
Каментары