Zhodna z ukazam №213 ad 6 maja 2014 hoda supracoŭniki orhanaŭ unutranych spraŭ, vajskoŭcy śpiecyjalnych padraździaleńniaŭ milicyi i ŭnutranych vojsk MUS Biełarusi piarojduć na novuju formu adzieńnia, paviedamlaje BiełTA.
Śpiecyjalisty kažuć, što niekatoryja pradmiety siońniašniaj formy i znaki adroźnieńnia maralna sastareli i nie adpaviadajuć umovam pracy.
Novy dyzajn pazbavić formu lišnich elemientaŭ.
Kab stvaryć novuju formu, byli daśledavanyja papiarednija formy biełaruskich siłavikoŭ i dośvied Rasii, Ukrainy, Polščy i Izraila. Roznyja varyjanty tkaniny praviaraŭ Centr navukovych daśledavańniaŭ lohkaj pramysłovaści.
Usie pradmiety vyrablajucca na pradpryjemstvach papraŭčaj sistemy i kancerna «Biellehpram» z ajčynnaj tkaniny.
Pieršymi prymieryli novuju formu padraździaleńni PPS HUUS Minharvykankama i strajavyja padraździaleńni Departamienta achovy MUS. Z 2014 hoda navinkami zabiaśpiečvajucca AMAP, PPSM, DPS DAI, učastkovyja i kursanty pieršaha kursu i pačatkovaj padrychtoŭki. Astatnija padraździaleńni atrymajuć novuju formu pa skančeńni starych kamplektaŭ.
Koler formy staŭ na paŭtonu ciamniejšy.
Najbolš istotnyja źmieny ŭ zimovaj formie: uviedzienaja univiersalnaja kurtka z bavaŭnianaj tkaniny ź ciopłaj padkładkaj.
Žančyny atrymali zimovyja šapki-kubanki i letnija kapialušyki, a taksama letniuju sukienku.
Mužčynskija šapki zajmieli borciki. Furažki «schudnieli» ŭ tulji i doncy. Zamiest bavaŭnianych kašul ciapier dazvolena nasić trykatažny bavaŭniany džempier sinie-błakitnaha koleru.
U formie jość bahata značnych i nievialikich źmien, što tyčacca ŭ tym liku i znakaŭ adroźnieńnia. Ale aficyjny hieraldyčny simvał MUS zastaŭsia niaźmiennym.