Čaćviora admaŭlajuć, piaty maŭčyć: sprava ab zabojstvie Barysa Niamcova REPARTAŽ

Reuters.com

Pa niekatorych uskosnych prykmietach možna vykazać zdahadku, što mienavita Dadajeva śledstva ličyć tym, chto stralaŭ u Niamcova pozna ŭviečary 27 lutaha na Vialikim Maskvareckim moście. Pra rolu astatnich pakul ničoha nieviadoma.

Aryšty prachodzili paralelna. U adnoj zale razhladałasia chadajnictva ab adnačasovym aryšcie Šahida Hubašava, Tamierłana Eskierchanava i Chamzata Bachajeva. U inšym aryštoŭvali spačatku Zaura Dadajeva, a potym i Anzora Hubašava.

Napaŭsahnutych Dadajeva pryviali śpiecnazaŭcy ŭ čornych bałakłavach, ich viedamasnuju prynaležnaść zrazumieć było nielha (tolki ściahi Rasii na rukavach). Jany źmiaścili padazravanaha ŭ kletku.

Vioŭ jon siabie dziŭna navat z ulikam usich abstavinaŭ: to prykładvaŭ ruki da nosa i dražniŭ prakurora, to biazadrasna ŭśmichaŭsia, to pačynaŭ časta kivać. Niekalkim fotakarespandentam, jakich puścili ŭ zału raniej astatnich, Dadajeŭ pryznaŭsia, što lubić praroka Muchamieda.

Pavialičyć

Charakterna, što chadajničaŭ pra aryštDadajeva sam Ihar Krasnoŭ — hienierał, jaki ŭznačalvaje śledčuju hrupu pa spravie ab zabojstvie Barysa Niamcova. Krasnoŭ kazaŭ koratka. Jon skazaŭ, što Dadajeŭ byŭ zatrymany 7 sakavika, pryčym nie ŭ Maskvie. Ranicaj 8 sakavika jaho dapytali, paśla čaho Dadajevu pradjavili abvinavačvańnie pa artykule 105 KK RF (častka 2-ja, punkty «ž» i «z» — zabojstva, ździejśnienaje hrupaj asobaŭ pavodle papiaredniaj zmovy z karyślivych mierkavańniaŭ abo pavodle najmu) i pavodle artykule 222 KK RF (častka 3. — niezakonnaje nabyćcio i zachoŭvańnie zbroi ŭ składzie arhanizavanaj hrupy).

Krasnoŭ skazaŭ, što śledstva budzie pravodzicca ŭ roznych rehijonach Rasii i budzie spałučana z pošukam vialikaj kolkaści rečyŭnych dokazaŭ. Dadajeŭ, na dumku Krasnova, moža źbiehčy, pahražać śviedkam, źniščyć rečavyja dokazy i mieć znosiny ź niavyznačanymi pakul fihurantami spravy, tamu jon pavinien być aryštavany da 28 krasavika. Farmalna da hetaha dnia praciahniecca śledstva pa zabojstvie Niamcova, ale hetaja data moža być padoŭžana.

Pierastaŭšy kryŭlacca, Dadajeŭ skazaŭ, što naradziŭsia ŭ 1982 hodzie ŭ Staŭrapalskim krai, chałasty, dziaciej niama, zaraz nie pracuje. Zarehistravany ŭ inhušskim horadzie Małhabiek, dakładny adras nazvać nie moža, «bo byŭ apoŭzień».

Raniej u ŚMI źjaŭlałasia infarmacyja ab tym, što Dadajeŭ słužyŭ u čačenskim bataljonie «Poŭnač», jakim kamanduje brat Adama Delimchanava — blizkaha paplečnika kiraŭnika Čačni Ramzana Kadyrava. U sudzie pra heta nie było skazana ni słova.

— Patrabavańnie śledstva zrazumieła? — spytała Dadajeva sudździa Natalla Mušnikava.

— Ja chaču, kab sud staranna razhledzieŭ maju spravu i kab usio było pavodle zakona, — adkazvaŭ Dadajeŭ.

— Heta nie ciapier, heta potym, — pierapyniła jaho sudździa. — Patrabavańnie pra aryšt zrazumieła?

— Ź mieraj strymańnia nie zhodny, — adkazaŭ joj Dadajeŭ.

Jaho advakat prasiŭ lubuju mieru strymańnia, nie źviazanuju z pazbaŭleńniem voli. Jon rabiŭ uražańnie čałavieka, jaki sam nie vieryć u toje, što kaža.

Na napisańnie rašeńnia ŭ sudździ syšło kala paŭhadziny. Jano słova ŭ słova paŭtarała chadajnictva Ihara Krasnova. U im była tolki adna detal, pra jakuju śledčy nie kazaŭ.

Sudździa Mušnikava skazała, što Dadajeŭ nie moža być adpuščany, bo jon nie prosta byŭ dapytany, a daŭ «pryznalnyja pakazańni».

Aryštavanaha skrucili i paviali. Na praciahu ŭsiaho času znachodžańnia Dadajeva ŭ Basmannym sudzie mienavita jamu akazvałasia najbolšaja ŭvaha i śledčych i śpiecnazaŭcaŭ. Uskosna heta moža kazać ab tym, što jaho ličać tym, chto stralaŭ u Barysa Niamcova, ale pramych paćvierdžańniaŭ pakul niama.

Pavialičyć

U hety ž čas u inšym zale sudździa razhladaŭ chadajnictva ab aryšcie padazravanych Šahida Hubašava (32 hady), Eskierchanava (35 hadoŭ) i Bachajeva (45 hadoŭ). Usie troje, pakul ich zdymali fotakarespandenty i teleapieratary, siadzieli nizka schiliŭšysia i zakryvajučy tvary kurtkami.

Viadoma, što adzin byŭ zatrymany pozna ŭviečary 7 sakavika ŭ Padmaskoŭi, dvoje inšych u noč na 8 sakavika ŭ Čačni i Inhušecii. Śledčy zajaviŭ, što jany admaŭlajuć svaju vinu, adnak jana paćviardžajecca vynikami apieratyŭna-vyšukovaj dziejnaści.

Šahid Hubašaŭ skazaŭ, što ŭ jaho było alibi — uviečary ŭ dzień zabojstva jon byŭ u kłubie pry śviedkach. Eskierchanaŭ i Bachajeŭ taksama zajavili, što ni ŭ čym nie vinavatyja.

Akramia taho, u abodvuch pa šaściora dziaciej, a Eskierchanava nielha pazbaŭlać svabody, bo jon chvory — u jaho pijałaniefryt i niama adnoj nyrki.

U vyniku Šahid Hubašaŭ, Eskierchanaŭ i Bachajeŭ aryštavanyja, ale nie da terminu farmalnaha zakančeńnia śledstva — 28 krasavika, a na dva miesiacy z dnia ich zatrymańnia, heta značyć da 7 i 8 maja. Abarona paabiacała, što abskardzić aryšt u Masharsudzie.

Aryšt starejšaha brata Šahida Hubašava — Anzora — prajšoŭ jak pad kapirku z aryštu Dadajeva. Hubašaŭ 1981 hoda naradžeńnia, chałasty, dziaciej niama, adukacyja siaredniaja, zarehistravany ŭ Małhabieku. Jaho pryviali ŭ takim ža napaŭsahnutym stanie ludzi ŭ bałakłavach. U kletcy jon siadzieŭ, nasunuŭšy šapku tak, što jana amal zakryvała jaho vočy. Jon niešta biazhučna šaptaŭ.

Na kostačkach palcaŭ byli bačnyja śviežyja rany — takija zastajucca paśla bojek.

Pavialičyć

Hienierał Krasnoŭ uziaŭ słova i paŭtaryŭ arhumienty, jakija pryvodziŭ dla aryštu Dadajeva. Anzor Hubašaŭ — na pytańnie sudździ, ci zrazumiełaja jamu miera strymańnia - adkazaŭ koratka: «Ja nie vinavaty». Na vyniasieńnie rašeńnia pra jaho aryšt u sudździ taksama pajšło kala paŭhadziny.

Staranna vyvodziŭšyja Hubašava z zały suda śpiecnazaŭcy znoŭ nahnuli jaho i ci to vypadkova, ci to naŭmysna, baluča ŭdaryli jaho hałavoj ab dźviarnuju ručku. Anzor Hubašaŭ, jak i Dadajeŭ, aryštavany da 28 krasavika.

Takim čynam, ź piaci padazravanych i abvinavačanych svaju vinu nie pryznaŭ nivodny.

Čaćviora jaje admaŭlajuć, piaty — Dadajeŭ — nie kaža ničoha. Viadoma, što šosty padazravany pa spravie zahinuŭ u Hroznym pry zatrymańni — spačatku adstrelvaŭsia, a potym padarvaŭ siabie hranataj.

Pres-sakratar Basmannaha suda paabiacała, što 9 sakavika novych aryštaŭ pa spravie ab zabojstvie Barysa Niamcova nie budzie: u sudzie — vychodny.

• 0
• 0
• 0
• 0
• 0
• 0
• 0
• 0