Premjer-ministr Biełarusi Andrej Kabiakoŭ 11 sakavika ŭ Minsku sustreŭsia ź ministram zamiežnych spraŭ KNDR Li Su Jonam, paviedamlaje pres-słužba biełaruskaha ŭrada.
Padčas sustrečy Kabiakoŭ adznačyŭ, što Biełaruś zacikaŭlena ŭ vybudoŭvańni kanstruktyŭnych adnosin z usimi partniorami. Tradycyjna adnym z pryjarytetaŭ źjaŭlajecca raźvićcio ŭzajemavyhadnaha handlova-ekanamičnaha supracoŭnictva. «Upeŭnieny, što ŭ hetaj śfiery biełaruska-karejskija ŭzajemaadnosiny majuć vialiki niezadziejničany patencyjał», — skazaŭ premjer. Jon dadaŭ, što Biełaruś hatovaja da šyrokamaštabnaha ŭzajemadziejańnia z Karejskaj Narodna-Demakratyčnaj Respublikaj.
«Nakolki mnie viadoma, vy paznačyli nastupnyja pryjarytetnyja kirunki supracoŭnictva: pastaŭki ŭ KNDR sielskahaspadarčaj i aŭtamabilnaj techniki i arhanizacyja zboračnych vytvorčaściaŭ hetaj techniki, pastaŭki pradukcyi lohkaj pramysłovaści, aktyvizacyja pracy mižuradavaj kamisii, supracoŭnictva ŭ halinie sielskaj haspadarki», — skazaŭ kiraŭnik urada.
Ministerstva zamiežnych spraŭ Biełarusi, pavodle jaho słoŭ, skaardynuje pracu dla prapracoŭki ŭkazanych prajektaŭ.
U pryvatnaści, padčas ciapierašniaha vizitu pradstaŭniki KNDR užo naviedali šerah pramysłovych pradpryjemstvaŭ Biełarusi, dzie zmahli asabista acanić ich patencyjał. Kabiakoŭ vykazaŭ nadzieju na toje, što sustrečy z kiraŭnictvam hetych pradpryjemstvaŭ prajšli ŭ kanstruktyŭnym klučy i nadali peŭny impuls raźvićciu biełaruska-karejskaha ŭzajemadziejańnia.
Premjer-ministr adznačyŭ, što karejskamu boku ŭ hetaj suviazi nieabchodna vyznačyć kankretnych partnioraŭ, hatovych da pastajannaha ŭzajemadziejańnia ź biełaruskimi pradpryjemstvami.
«Što datyčycca adnaŭleńnia pracy mižuradavaj kamisii, to my abnovim skład biełaruskaj častki i sa svajho boku sfarmirujem prapanovy pa mahčymych kirunkach supracoŭnictva», — skazaŭ Andrej Kabiakoŭ. Jon padkreśliŭ, što biełaruski bok zacikaŭleny ŭ efiektyŭnaj i ŭzajemavyhadnaj pracy hetaj struktury.
Ciapier čytajuć
Cichanoŭski na mitynhu ŭ Varšavie: Ja złamaju hety režym VIDEA4
Kamientary