Uładzimir Pucin nie źjaŭlaŭsia na publicy z 6 sakavika. Z taho času na sajcie Kramla zadniaj dataj paviedamlajecca pra sustrečy, jakija prajšli da vychadnych.
Apošni raz prezident Uładzimir Pucin źjaŭlaŭsia pierad žurnalistami 5 sakavika — u hety dzień kiraŭnik rasijskaj dziaržavy sustrakaŭsia z premjer-ministram Italii Matea Renca.
Paśla hetaha ŭ Pucina była tolki adna publičnaja sustreča, na jakoj jaho mahli bačyć nie tolki čynoŭniki: zhodna z paviedamleńniem na sajcie Kramla, datavanym 8 sakavika, z nahody śviata prezident sustreŭsia z žančynami, čyje dzieci dabilisia vydatnych pośpiechaŭ u roznych śfierach, i pavinšavaŭ ich ź śviatam.
Ale nasamreč heta mierapryjemstva było zapisana zahadzia asabistym apierataram kiraŭnika dziaržavy — jašče 5 sakavika, paviedamiŭ adzin z udzielnikaŭ sustrečy. Pavodle jaho słoŭ, prezident zrabiŭ dobraje ŭražańnie na tych, chto pryjšoŭ žančyn, ale vyhladaŭ stomlenym.
6 sakavika i va ŭsie nastupnyja dni Pucin pravodziŭ tolki niepubličnyja sustrečy, u jakich udzielničali čynoŭniki, a presa nie zaprašałasia. Pavodle sajta Kramla, u hety dzień prezident spačatku pravioŭ pasiadžeńnie Rady biaśpieki, zatym pahutaryŭ ź ministrami finansaŭ i abarony Antonam Siłuanavym i Siarhiejem Šajhu, a ŭviečary pravioŭ dvuchbakovuju sustreču z kiraŭnikom Źniešekanambanka Uładzimiram Dźmitryjevym.
10 sakavika, śćviardžajecca na sajcie Kramla, Pucin sustrakaŭsia z hubiernataram Jamała-Nienieckaj aŭtanomnaj akruhi Dźmitryjem Kobyłkinym. Sustreča taksama była zakrytaj dla presy. Dva surazmoŭcy RBK, blizkija da Kramla, kažuć, što ŭ hety dzień Kabyłkin nie pryjazdžaŭ u Kreml. Ale ŭ pres-słužbie Kabyłkina hetuju infarmacyju abviarhajuć.
11 sakavika pres-słužba prezidenta apublikavała infarmacyju pra sustreču kiraŭnika dziaržavy z hubiernataram Karelii Alaksandram Chudziłajnienam. Ale dziełavaja internet-hazieta «Viesti Karelii» jašče 5 sakavika paviedamiła, što «Uładzimir Pucin sustreŭsia z Alaksandram Chudziłajnienam».
Krynica, blizkaja da samoha hubiernatara, skazała, što sustreča z Chudziłajnienam pa płanie pavinna była prajści 4 sakavika. U pres-słužbie kiraŭnika rehijonu ad kamientaroŭ admovilisia.
Pres-sakratar prezidenta Dźmitryj Piaskoŭ nastojvaŭ, što sustrečy z dvuma hubiernatarami prachodzili ŭ nazvanyja na kramloŭskim sajcie dni. A na ŭdakładniajučaje pytańnie pra sustreču z žančynami, datavanuju 8 sakavika, jon adkazaŭ, što jana prajšła napiaredadni śviata.
Paviedamleńnie ab razmovie z Chudziłajnienam było apublikavana nieŭzabavie paśla taho, jak ahienctva Reuters sa spasyłkaj na krynicu va ŭradzie Kazachstana paviedamiła, što sustreča ŭ Astanie prezidentaŭ Rasii, Biełarusi i Kazachstana, zapłanavanaja na 12-13 sakavika, nie adbudziecca. «Vizit admienieny, padobna, što Pucin zachvareŭ», - pryviało ahienctva słovy svajoj krynicy.
Piaskoŭ spačatku admoviŭsia kamientavać hetuju infarmacyju, ale da viečara zajaviŭ ahienctvu Bloomberg, što Pucin absalutna zdarovy.
Sustreča ź lidarami Biełarusi i Kazachstana nie admieniena, a pieraniesiena, śćviardžaje inšuju fiederalny čynoŭnik. Pavodle jaho słoŭ, jana adbudziecca ŭ sakaviku, jak tolki ŭsie try prezidenty ŭzhodniać svaje płany.
Kali ciapier Pucin źjavicca na publicy, nieviadoma. Na 12 sakavika ŭ kiraŭnika dziaržavy byŭ zapłanavany ŭdzieł u kalehii FSB, ale prezident naŭrad ci tudy pryjdzie, kaža surazmoŭca, blizkaja da Kramla, i paćviardžaje fiederalny čynoŭnik.
17 sakavika płanujecca ŭdzieł prezidenta Rasii ŭ pasiadžeńni arhkamiteta «Pieramoha» ŭ Centralnym muziei Vialikaj Ajčynnaj vajny, pakul płanujecca, što kiraŭnik dziaržavy tam budzie, kaža adzin z surazmoŭcaŭ.
Ciapier čytajuć
Stała viadoma, chto lotaŭ na Šry-Łanku razam z Anžalikaj Mielnikavaj i jaje ahientam19
Kamientary