Pra heta namieśnik pamočnika dziaržsakratara ZŠA zajaviŭ na sustrečy z hrupaj biełaruskich žurnalistaŭ u Vašynhtonie.
Złučanyja Štaty vitajuć vyzvaleńnie Źmitra Daškieviča i Viktara Aŭtuchoviča. Pra heta amerykanski dyplamat zajaviŭ na sustrečy z hrupaj biełaruskich žurnalistaŭ u Vašynhtonie. “Dumaju, što heta pačatak pracesu. Kab adbylisia kroki nasustrač pavinny być vyzvalenyja ŭsie astatnija piać palitviaźniaŭ, u tym liku Źdźvižkoŭ. My spadziajemsia, što adbudziecca kasacyja jahonaha prysudu”, -- ckazaŭ jon.
Kremer adznačyŭ, što, na jahonuju dumku, ZŠA “trapili ŭ kropku”sankcyjami suprać “Biełnaftachimu”. “Mahčyma, Biełaruś nia moža dazvolić sabie padpaści pad dalejšyja sankcyi”, -- adznačyŭ jon. U toj ža čas ZŠA buduć vymušanyja razhladzieć nastupnyja miery, kali ŭsie viaźni, jakich Vašynhton razhladaje jak palityčnych, nia buduć vyzvalenyja. Sankcyi suprać “Biełnaftachimu” byli mieraj, pryniataj ZŠA paralelna z rašeńniem ES admianić preferencyi ŭ handli ź Biełaruśsiu, nastupnyja kroki buduć prymacca ŭ kaardynacyi z krainami Eŭropy, padkreśliŭ Krejmer.
