Na adnoj z samych bujniejšych knižnych vystaŭ Jeŭropy, jakaja projdzie 13-16 sakavika ŭ Lajpcyhu, paŭstanie biełaruski stend, prezientavany inicyjatyvaj Books from Belarus. Stend pradstavić knihi biełaruskich vydaviectvaŭ, a ŭ miežach ahulnaj prahramy projduć biełaruskija litaraturnyja imprezy.
Da taho ž na stendzie budzie pradstaŭleny katałoh Books from Belarus/»Knihi ź Biełarusi». Katałoh, jaki dla zručnaści zamiežnych vydaŭcoŭ i litaraturnych ahientaŭ vydadzieny pa-anhielsku, pradstaŭlaje anatacyi tvoraŭ Vasila Bykava, Alesia Razanana, Ihara Babkova, Aleny Bravy, Adama Hłobusa, Uładzimira Arłova, Ludmiły Rubleŭskaj, Uładzimira Niaklajeva, Alhierda Bachareviča, Viktara Kaźko, Barysa Piatroviča, Uładzimira Kazłova.
Books from Belarus – heta supolnaja inicyjatyva niezaležnych vydaŭcoŭ Biełarusi, siarod jakich Sajuz biełaruskich piśmieńnikaŭ, 34mag.net i Litaraturny Dom «Łohvinaŭ». Meta kampanii – prasoŭvańnie ajčynnaj litaratury na suśvietnym knižnym rynku, naładžvańnie suviaziaŭ i kamunikacyi ź litaraturnymi ahientami dy vydaŭcami ź inšych krain, farmavańnie intelektualnaha imidža Biełarusi za miažoj. Letaś prajekt Books from Belarus uziaŭ udzieł u Frankfurckim i Varšaŭskim knižnych kirmašach.
13 sakavika, 17:00 –»Try hadziny i vy TAM». Dyskusija pra sučasnuju biełaruskuju litaraturu. U dyskusii biaruć udzieł: piśmieńnik Barys Piatrovič, vydaviec Ihar Łohvinaŭ, litaraturny ahient Darja Vaškievič, pierakładčyk biełaruskaj litaratury Tomas Vajler
14 sakavika, 15:30 – Prezientacyja niamieckaha vydańnia knihi Maksima Hareckaha «Dźvie dušy». Maderatar – Tomas Vajler.
Adras knižnaj vystavy ŭ Lajpcyhu: Messe-Allee 1, ctend Je504
Stend Books from Belarus zaprašaje na adviedki ŭsich achvočych, a asabliva pradstaŭnikoŭ biełaruskaj dyjaspary ŭ Niamieččynie
