Rasijskija nacyjanalisty: Viciebsk, Mahiloŭ i Homiel byli pieradadzienyja Biełarusi niezakonna

Kirył Aviarjanaŭ-Minski apublikavaŭ čarhovy antybiełaruski artykuł z pretenzijaj na histaryčnaje daśledavańnie. Hetym razam jon zajaviŭ, što biełaruskaja dziaržava — heta štučnaje farmavańnie, sabranaje sa spradviečna ruskich ziamiel.

Pavialičyć

«Usie viedajuć, što ŭ 1954 hodzie Krym niezakonna pieradali sa składu Rasiejskaj SFSR ŭ skład Ukrainskaj SSR, mnohija čuli, što ŭ 1918 hodzie da Savieckaj Ukrainy dałučyli terytoryju Daniecka-Kryvarožskaj Savieckaj Respubliki,

adnak mała kamu viadoma, što ŭ 1920-ch hadach u skład Biełaruskaj SSR siłkom zahnali Viciebščynu, Mahiloŭščynu i Homielščynu, jakija raniej naležali RSFSR. Viciebsk, Mahiloŭ i Homiel byli pieradadzienyja Savieckaj Biełarusi jak miech bulby», — piša aŭtar.

I pryvodzić kartu ziemlaŭ, jakija Biełaruś, na jaho dumku, atrymała niezasłužana, «jak miech bulby».\

Sutnaść publikacyi zvodzicca da taho, što biełarusaŭ nikoli nie było va ŭschodniaj častcy krainy, a kali i byli niejkija biełarusy, to jany daŭno stracili svaju biełaruskuju identyčnaść: movu i kulturu.

Aŭtar padvodzić idealahičnuju bazu da taho, što nieabchodna pierahledzieć sučasnyja miežy. Padobnym čynam pačynałasia vajna Rasiei suprać Ukrainy hod tamu.

«U apošni čas ułady eks-BSSR staranna raskručvajuć machavik «biełarusizacyi», va ŭpor nia bačačy, da čaho padobnaja palityka pryviała eks-USSR. Mabyć, prezydent Łukašenka raźličvaje na toje, što siońnia ŭ Kramli siadziać dakładna takija ž savieckija mnohanacyjanały, jak u 20-ch hadach minułaha stahodździa. Taki raźlik, biezumoŭna, nie pazbaŭleny razumnych padstavaŭ. Ale nia ŭsio tak adnaznačna», — piša aŭtar.

Jon taksama publikuje mapu taho, jak «niespraviadliva» ŭzbujniali Biełaruś.

Pavialičyć

Taksama ŭ artykule śćviardžajecca, što «ŭ bližejšy čas u Rasii budzie pryniaty zakon ab niepravamiernaści pieradačy Kryma Savieckaj Ukrainie ŭ 1954 hodzie».

Zychodziačy z hetaha paŭstanie pytańnie i ŭschodnich ziamiel Biełarusi, bo «zachodnija hubierni RSFSR byli pieradadzienyja Savieckaj Biełarusi ni kropli nie bolš pravamierna».

«Kali tav. Łukašenka budzie ŭparcicca ŭ samastojnaj «jerasi», nielha vyklučać źjaŭleńnia narodnych respublik na ŭschodzie (a potym, mahčyma, i na zachadzie) siońniašniaj RB z nastupnym pryznańniem niezakonnaści balšavickich padarunkaŭ, zroblenych BSSR u 1924 i 1926 hadach», — paviedamlaje aŭtar u artykule.

• 0
• 0
• 0
• 0
• 0
• 0
• 0
• 0