Pieršy «Ryžski dvoryk» («Ryžski kutok») u Biełarusi budzie adkryty na minskim Kamaroŭskim rynku, a anałahičny stend (krama) biełaruskich tavaraŭ — na Ryžskim centralnym rynku, paviedamiŭ Delfi kiraŭnik staršynia Kamiteta haradskoha raźvićcia Ryžskaj dumy Maksim Tałstoj.
Pavodle jaho słoŭ, napiaredadni ŭ ramkach vizitu delehacyi Ryžskaj dumy ŭ Minsk byŭ prezientavany prajekt stendaŭ łatvijskich praduktaŭ. Hetaja madel niekalki hadoŭ paśpiachova adpracavała ŭ Rasii, prajekt spyniŭsia z-za ŭzajemnych sankcyj ES i Rasii.
Tamu aŭtary idei «Ryžski dvoryk» aktyŭna šukajuć novyja rynki. Kancepcyja nie pryžyłasia na zachadzie.
Meryi Ryhi i Minska damovilisia pra zapusu prajekta na parytetnaj asnovie. Pieršy «Ryžski kutok» budzie adkryty na Kamaroŭskim rynku ŭ Minsku. Pradstaŭniki aficyjnaj delehacyi Ryhi na čale z meram Niłam Ušakovym u čaćvier pavinny ahledzieć miesca pad budučy dvoryk.
Asartymient stenda — jakasnyja pradukty. Łatvijskija vytvorcy nie płanujuć kankuravać ź biełaruskimi kalehami, jany majuć namier prapanavać novyja dla minskaha rynka tavary, jakich pakul jašče niama na pryłaŭkach kram, bo biełaruski bok abaraniaje svaich vytvorcaŭ, abmiažoŭvajučy impart.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary