Biełaruś hatova prapanavać Iraku supracoŭnictva ŭ handlova-ekanamičnaj i vajenna-techničnaj śfierach. Ab hetym zajaviŭ siońnia Alaksandr Łukašenka na sustrečy ź ministram zamiežnych spraŭ Iraka Ibrahimam al-Džafary.
Kiraŭnik dziaržavy adznačyŭ, što biełaruska-irakskaje supracoŭnictva «maje dobruju historyju». «My zaŭsiody adnosilisia z asablivaj uvahaj da družalubnaha irakskaha naroda i vielmi pieražyvali, nazirajučy za padziejami, jakija adbyvajucca ŭ vašaj krainie, - skazaŭ Prezident Biełarusi. - Vy pavinny być upeŭnieny, što my byli siabrami i siabrami zastaniomsia».
Ciapierašnija biełaruska-irakskija adnosiny charaktaryzujucca tym, što baki prazandziravali hlebu dla vybudoŭvańnia dalejšych suviaziej i ciapier možna vybudoŭvać ich na pierśpiektyvu, adznačyŭ Alaksandr Łukašenka.
«Zrazumieła adno - my pavinny vyjści na novy ŭzrovień supracoŭnictva. Treba vybudavać sapraŭdny fundamient adnosin. Hetym fundamientam moža być handlova-ekanamičnaje i vajenna-techničnaje supracoŭnictva. My hatovy da vybudoŭvańnia adnosin pa hetych napramkach», - skazaŭ kiraŭnik dziaržavy.
Pierśpiektyŭnaj dla dvuchbakovych kantaktaŭ źjaŭlajecca i adukacyjnaja śfiera. Ciapier užo ŭ Biełarusi navučajucca irakskija studenty, i pašyreńnie ŭzajemadziejańnia ŭ hetaj śfiery mahčyma.
Na dumku Alaksandra Łukašenki, dla vybudoŭvańnia asnovy handlova-ekanamičnych adnosin pamiž Biełaruśsiu i Irakam patrebny kankretnyja prajekty, mahčyma, dla pačatku dva-try, u jakich nieabchodna raźvivać dalejšaje supracoŭnictva.
Kiraŭnik biełaruskaj dziaržavy taksama zakranuŭ temu stabilnaści situacyi ŭ Iraku.
«Hałoŭny naš intares u Iraku - heta stabilny Irak. My chočam, kab irakski narod žyŭ stabilna ŭ dziaržavie, kab ludzi adčuvali, što žyvuć u sapraŭdnaj bahataj dziaržavie, i hetyja bahaćci — zdabytak irakskaha naroda», — adznačyŭ Alaksandr Łukašenka.
U svaju čarhu ministr zamiežnych spraŭ Iraka pieradaŭ najlepšyja pažadańni ad kiraŭnictva svajoj krainy. Jon adznačyŭ, što ŭ Biełarusi i jaje stalicy Minska bahataja historyja, u jakoj taksama byli vojny. Kiraŭnik irakskaha MZS taksama zakranuŭ temu niestabilnaści situacyi ŭ śviecie ŭ cełym i ŭ rehijonie, a taksama ab baraćbie Iraka suprać teraryzmu.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary