Kryminalnaja sprava č.1 art. 154 KK (katavańnie) raspačata ŭ dačynieńni da 26-hadovaha žychara rajcentra paśla taho, jak u milicyju źviarnułasia dziaŭčyna i paviedamiła, što chłopiec nanios joj cialesnyja paškodžańni.
Sapraŭdy, u achviary byli šmatlikija ŭdary, termičnyja apioki i rany. Ciapier małady čałaviek padazrajecca ŭ tym, što na praciahu niekalkich dzion katavaŭ kachanuju.
Jak rastłumačyŭ namieśnik načalnika Lidskaha RAUS Valeryj Kałodka, fihuranty historyi apošnija niekalki miesiacaŭ razam zdymali kvateru. Adnojčy naładzili zastolle sa śpirtnym, padčas jakoha chłopiec pryhadaŭ byłyja kryŭdy, što jaho siabroŭka ŭ svoj čas sustrakałasia ź inšymi mužčynami. Reŭnaść i stała matyvam dla fizičnych katavańniaŭ. Paciarpiełaj atrymałasia vyrvacca z pałonu, tolki kali padazravany ŭziaŭ siabie ŭ ruki i supakoiŭsia.
Kamientary