Prezientacyja tyziera «Zornyja vojny: Vyhnaniec». Fota: The Verge
Razam z tryma novymi epizodami «Zornych vojn» zdymajecca i śpin-of/prykveł «Zornyja vojny: Vyhnaniec» (Star Wars: Rogue One). Niekatoryja detali filmu byli raskrytyja na kanviencie Star Wars Celebration, pieradaje The Verge.
Režysior «Hadziły» i «Monstraŭ» Haret Edvards pačnie zdymać «Vyhnanca» ŭžo hetym letam.
Na kanviencie byŭ pakazany karotki rolik, u jakim u niebie nad džunhlami bačnaja Zorka Śmierci, a zakadravy hołas kaža: «Rycary-džedai byli vartaŭnikami miru i prychilnikami spraviadlivaści ŭ Staroj Respublicy, ale zatym pryjšoŭ čas Impieryi».
Pa słovach Edvardsa, dziejańnie filma razharniecca ŭ časy pamiž trecim i čaćviertym epizodami «Zornych vojn». «Vyhnaniec» nie budzie pryśviečany Sile i džedajam. Jak kaža režysior, jon pakaža «hrupu indyvidaŭ, jakija nie majuć mahičnych sił, ale musiac niejak viarnuć hałaktycy nadzieju». Havorka idzie ab paŭstancach, jakija abjadnałasia z metaj skraści płany raspracoŭki Zorki śmierci — mahutnaj zbroi Impieratara. Adsutnaść džedajaŭ, śćviardžaje jon, «visić nad filmam damokłavym miačom» — ludziam nie dapamohuć zvyšnatralnyja siły, pryjdziecca ratavać śviet samim.
Adzinaja paćvierdžanaja rola ŭ filmie — Fielisici Džons, jakaja stanie adnoj z ŭdzielnic hrupy paŭstancaŭ.
«Zornyja vojny: Vyhnaniec» vyjdzie na ekrany ŭ śniežni 2016 hoda. Za hod da taho vyjdzie siomy epizod — «Siła prabudžajecca». Pakul bieznazoŭny vośmy epizod zapłanavany na 2017 hod, dziaviaty — na 2019-y.
Hladzicie taksama:
Novy trejler «Zornych vojn»: džedaj Leja i sivy Chan Soła
25 faktaŭ pra novyja «Zornyja vojny»