Спін-оф «Зорных войнаў» абыдзецца без герояў з «магічнымі сіламі»
«Зорныя войны: Выгнанец» распавядзе пра выкраданне паўстанцамі планаў Зоркі смерці.
Разам з трыма новымі эпізодамі «Зорных войн» здымаецца і спін-оф/прыквэл «Зорныя войны: Выгнанец» (Star Wars: Rogue One). Некаторыя дэталі фільму былі раскрытыя на канвенце Star Wars Celebration, перадае The Verge.
Рэжысёр «Гадзілы» і «Монстраў» Гарэт Эдвардс пачне здымаць «Выгнанца» ўжо гэтым летам.
На канвенце быў паказаны кароткі ролік, у якім у небе над джунглямі бачная Зорка Смерці, а закадравы голас кажа: «Рыцары-джэдаі былі вартаўнікамі міру і прыхільнікамі справядлівасці ў Старой Рэспубліцы, але затым прыйшоў час Імперыі».
Па словах Эдвардса, дзеянне фільма разгарнецца ў часы паміж трэцім і чацвертым эпізодамі «Зорных войн». «Выгнанец» не будзе прысвечаны Сіле і джэдаям. Як кажа рэжысёр, ён пакажа «групу індывідаў, якія не маюць магічных сіл, але мусяц неяк вярнуць галактыцы надзею». Гаворка ідзе аб паўстанцах, якія аб’ядналася з мэтай скрасці планы распрацоўкі Зоркі смерці — магутнай зброі Імператара. Адсутнасць джэдаяў, сцвярджае ён, «вісіць над фільмам дамоклавым мячом» — людзям не дапамогуць звышнатральныя сілы, прыйдзецца ратаваць свет самім.
Адзіная пацверджаная роля ў фільме — Фелісіці Джонс, якая стане адной з ўдзельніц групы паўстанцаў.
«Зорныя войны: Выгнанец» выйдзе на экраны ў снежні 2016 года. За год да таго выйдзе сёмы эпізод — «Сіла прабуджаецца». Пакуль безназоўны восьмы эпізод запланаваны на 2017 год, дзявяты — на 2019-ы.
Глядзіце таксама:
Новы трэйлер «Зорных войн»: джэдай Лея і сівы Хан Сола
25 фактаў пра новыя «Зорныя войны»
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе2
Каментары