 |
6 śniežnia Ministerstva justycyi vyniesła KCHP BNF piśmovaje papiaredžańnie za raspaŭsiud zvarotu da słužbovych asobaŭ, vykankamaŭ, ustanovaŭ adukacyi, orhanaŭ justycyi prakuratury dy inšych «Asimilacyja — złačynstva suprać čałaviectva».
Ministerstva justycyi ličyć, što ŭ liście ŭtrymlivajecca «tendencyjnaja infarmacyja ŭ dačynieńni palityki Rasiejskaj Federacyi, hrubyja paklopnickija vypady ŭ dačynieńni nacyjanalnaj palityki Rasiejskaj Federacyi, narodu Rasiei i jaho historyi».
Sudździa Valer Samaluk nie zadavoliŭ chadajnictva KCHP BNF ab zaprašeńni advakata. U toj ža čas na hramadzianskim pracesie prysutničaŭ prakuror, čaho raniej nie zdarałasia ŭ sudovaj praktycy. Sud taksama nie zadavoliŭ chadajnictva ab praviadzieńni linhvistyčnaj ekspertyzy.
Pradstaŭnik Ministerstva justycyi — načalnik adździełu hramadzianskich abjadnańniaŭ spadar Piečkuroŭ tak i nie nazvaŭ subjekt, jaki abrazili, i nie nazvaŭ, chto kankretna aburaŭsia, čyje nacyjanalnyja pačućci zakranuli.
Namieśnik staršyni KCHP BNF Valer Bujvał raspavioŭ:
«Pradstaŭniki KCHP‑BNF baroniać biełaruski narod, biełaruskuju kulturu, našy nacyjanalnyja intaresy. Ministerstva justycyi baronić palityku Rasiei i historyju Rasiei. Prysutničała pradstaŭnica prakuratury, jakaja całkam stajała na baku Ministerstva justycyi. Vielmi dziŭna, bo na hramadzianskich pracesach pradstaŭnikoŭ prakuratury nie byvaje. A siońnia my heta ŭbačyli. I jana tam z uśmieškaj skazała, što ciapier budzie tolki tak».
Kančatkovaje rašeńnie pa skarzie KCHP BNF da Ministerstva justycyi budzie vyniesiena 6 lutaha a 14‑j hadzinie.
