Siońnia sudździa Viarchoŭnaha sudu Biełarusi Valer Samaluk vynies rašeńnie pavodle pazovu Kanservatyŭna‑chryścijanskaj partyi da Ministerstva justycyi.
Papiaredžańnie, zroblenaje partyi ministerstvam, zastajecca ŭ sile.
6 śniežnia 2007 hoda Ministerstva justycyi vyniesła KCHP BNF piśmovaje papiaredžańnie za raspaŭsiud zvarotu da słužbovych asobaŭ, vykankamaŭ, ustanovaŭ adukacyi, orhanaŭ justycyi, prakuratury dy inšych «Asymilacyja — złačynstva suprać čałaviectva». Ministerstva justycyi paličyła, što ŭ liście ŭtrymlivajecca «tendencyjnaja infarmacyja ŭ dačynieńni da palityki Rasiejskaj Federacyi, hrubyja paklopnickija vypady ŭ dačynieńni da nacyjanalnaj palityki Rasiejskaj Federacyi, narodu Rasiei i jaho historyi».
«Nad nami paviesili «damokłaŭ mieč»
Pradstaŭniki KCHP BNF Siarhiej Papkoŭ, Valer Bujvał dy inšyja prasili pravieści linhvistyčnuju ekspertyzu zvarotu. Jany sprabavali pierakanać sud, što ŭ tekście niama subjektu abrazy, paklopu, što nichto ź nibyta pakryŭdžanych «hramadzianaŭ Rasiejskaj Federacyi» nie źviartaŭsia z abureńniami.
Pradstaŭnik Ministerstva justycyi, načalnik adździełu hramadzianskich abjadnańniaŭ spadar Piečkuroŭ tak i nie nazvaŭ abražany subjekt i nie ŭdakładniŭ, chto kankretna aburaŭsia, čyje nacyjanalnyja pačućci byli zakranutyja.
Ale abskardzić piśmovaje papiaredžańnie Minjustu da KCHP BNF nie ŭdałosia.
Vykanaŭčy sakratar KCHP BNF Valer Bujvał raspavioŭ:
«Nad nami paviesili «damokłaŭ mieč», kab my nia rypalisia. My ž surjoznyja ludzi, palityčnaja arhanizacyja z 20‑hadovaj historyjaj, my pa‑filazofsku stavimsia da hetaha. My budziem dziejničać u adpaviednaści sa svaim statutam i svajoj prahramaj, jak heta my rabili i raniej».
Nahadajem, što paśla dvuch papiaredžańniaŭ aficyjnyja ŭłady mohuć raspačać praceduru likvidacyi partyi.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»4
Kamientary